Belgiya hukumati AstraZeneca kompaniyasining koronavirusga qarshi vaksinasi bilan 55 yoshdan oshganlarni ham emlash uchun ruxsat berdi. Bu haqda Politico nashriga tayanib “Korrespondent.net” xabar berdi.
Davlat Sog‘liqni saqlash kengashi preparatni xavfsiz va yetarlicha samarali deb hisoblaydi.
Belgiya 55 yoshdan 65 yoshgacha bo‘lgan yosh chegaralarini belgilab, keksalar uchun AstraZeneca vaksinasidan foydalanmaslikni tavsiya qilgan Yevropa Ittifoqi davlatlaridan biri edi.
Lekin fevral oyida vaksinaning bitta dozasi Angliya va Shotlandiyada kasalxonaga yotqizish holatlarini sezilarli darajada kamaytirgani haqida ijobiy ma’lumotlar e’lon qilindi va Yevropa Ittifoqi vaksinalar uchun yosh bilan bog‘liq cheklovlarni bosqichma-bosqich olib tashlay boshladi.
“Bir qarashda natijalar umid uyg‘otadi”, — deyiladi Belgiya rasmiylarining yangilangan nizomida.
Shuningdek, Sog‘liqni saqlash kengashi eski va hali e’lon qilinmagan ma’lumotlarga nisbatan ehtiyot bo‘lish kerakligini ta’kidladi.
Avvalroq JSST yil oxirigacha koronavirusni yengib o‘tish masalasini ko‘rib chiqqani haqida xabar berilgan edi.
Izoh (0)