DxOMark лабораторияси мутахассислари Samsung Galaxy S21 Ultra’нинг асосий камераси синовдан ўтказилганига оид натижалар билан бўлишди, деб хабар беради IXBT.
Тестлар давомида Galaxy S21 Ultra 121 балл тўплаган, жумладан, 128 балл сурат сифати учун, 98 балл — видео сифати ва 76 балл — зум имконияти учун. Бу орқали флагман рейтингнинг 10-поғонасидан ўрин олган Galaxy S20 Ultra’дан ҳам пастлаб, 17-ўринга тушиб кетган. Шунингдек, ундан олдинги поғоналарда Honor 30 Prо+, iPhone 11 Pro Max, Huawei Mate 30 Prо 5G, iPhone 12 mini, iPhone 12 ва Honor V30 Prо ўрин олган.
Бундан ташқари, Galaxy S21 Ultra Huawei Mate 40 Pro+ камерофонидан 16 балл камроқ натижа тўплаган. Мутахассисларнинг таъкидлашича, Samsung’нинг барча уринишларига қарамай, компаниянинг янги премиум телефони кутилганидек янги камерoфонга айланмаган.
«Samsung Galaxy S21 Ultra 5G (Exynos) деярли ҳар қандай шароитда яхши сурат ва видеога олишга қодир. Бироқ биз натижа камида 10 баллга юқори бўлишини кутгандик. S21 Ultra 5G смартфони Huawei Mate 40 Pro ва iPhone 12 Pro Max каби тўғридан-тўғри рақобатчиларидан барча тест йўналишлари бўйича ортда қолмоқда, ҳатто назарий жиҳатидан иккита телеобъективнинг ўрнатилиши Samsung’га анча устуворликни бериши керак бўлган зумда ҳам. Эътиборли жиҳати, у ўзидан олдинги модель — Galaxy S20 Ultra’дан ҳам, шунингдек, анча эски, масалан, iPhone 11 Pro Max’дан ортда қолаётганида», — дейилади хабарда.
Мавзуга доир:
Изоҳ (0)