Букланадиган экранга эга замонавий смартфонлар жуда қиммат — технология ҳали ёш ва оммалашмаган, шу сабабли битта дисплей таннархи жуда юқори. Қурилма нархи билан уни таъмирлаш ҳам қимматга тушади. Android Authority букланадиган барча замонавий смартфонларнинг дисплейини алмаштириш қанчага тушишига оид маълумотлар билан бўлишди.
Рўйхат қуйидагича кўриниш олган:
- Samsung Galaxy Fold — 600 доллар;
- Samsung Galaxy Z Flip — 499 доллар;
- Samsung Galaxy Z Fold 2 — 549 доллар;
- Huawei Mate Х / ХS — 1082 доллар;
- Huawei Mate Х2 — 880 доллар.
Шу билан бирга, унутмаслик керакки ушбу смартфонларнинг ўзи қиммат туради — масалан, Хитойда Мate Х2 нархи 2680 долларни ташкил этади. Дисплейни алмаштириш «оддий» флагманлардаги каби қурилма нархининг учдан бир қисмига тенг. Таққослаш учун, iPhone 12 экранини расмий марказларда алмаштириш 279 доллар туради — смартфоннинг нархи эса 800 доллар.
Мавзуга доир: Samsung ўз флагманларини харид қилинганидан кейин 100 кун ичида қайтариш имконини тақдим этмоқда
Изоҳ (0)