Замонавий образ ёрдамида бошқалардан ажралиб туришни хоҳлайдиганлар учун тавсиялар

Қуйидаги тавсиялар ёрдамида янада қизиқарли ва замонавий образ яратиш мумкин.

Узун кофта + юбка

Узун кофтани олд томонида тугмачалари бўлган қалам-юбка ёки мини-юбка билан мослаштириш образни янада ўзгача қилади.

Кўп қаватли либос

Қаватли кийиниш — доим трендда! Бу нафақат замонавий ва иссиққина, балки қизиқарли ҳамдир. Бўйинли узун кўйлак, камар ва пальто кийиш сизни янада бежирим қилиб кўрсатади. Образни жинси шим, ноодатий деталларга эга пойабзал ва сумка билан тўлдириш мумкин.

Урфга кирган эски пойабзал

Баъзан шундай вақтлар бўладики, пойабзал эскирган ва уни анчадан бери киясиз. Умуман олганда, бошқача образни хоҳлайсиз, лекин ҳозир бунинг иложи йўқ. Бундай пайтларда оддий пойабзалларга янги ҳаёт бағишлашга уриниб кўринг. Бунинг учун ингичка тасмалардан фойдаланиш мумкин. Бўшаб кетмаслиги учун тасма учларини маҳкам боғланг, иплари титилмаслиги учун эса учини гугурт билан бироз куйдириб қўйишни унутманг.

Бошдан оёқ қизил рангда кийиниш

Қизил рангли либослар принтли футболка ва шарф билан тўлдирилса, ажойиб образ яралишига сабабчи бўлади. Бундай монохром кийиниш сизни бошқалардан ажратиб туради.

Камар остидан палантин

Эски пальто ёки плашни қандай янгилашнинг оддийгина усули. Бунинг учун палантин (елкага ташлаб юриладиган мўйна ёки шарф)ни бўйиндан ўтказиб, устидан камар тақинг, камар ва мато уйғунлигига эътибор беринг.