Образ кўнгилдагидек бўлиши учун юбка танлашни ўзи кифоя қилмайди, уни бошқа кийим ва аксессуарлар билан мослашни ҳам билиш керак.
Баланд пошна
Баланд пошнали оёқ кийимнинг образни эсда қоларли бўлиши ёки аксинча, дидсиз кўринишида муҳим роль ўйнайди. Мини юбка билан пойабзалнинг баланд пошналисини кийсангиз, кенг ва oversize услубидаги пиджак кийиш тавсия қилинади.
Колготка билан босоножка
Ҳеч нима образни колготка билан кийилган босоножкачалик хунук кўрсатмайди. Колготка билан балетка ёки лоферни ҳеч иккиланмай кийишингиз мумкин, аммо ёзги оёқ кийим билан ҳеч ҳам бундай қила кўрманг.
Узун юбка билан балетка
Кундалик учун мукаммалдек кўринган узун юбка ва балетка билан ёшингизга нисбатан катта камига бўйи паст кўринишингиз аниқ. Шу сабаб узун юбка билан баландроқ пойабзал кийганингиз маъқул.
Мос келмаган устки кийим
Калта юбка киядиган бўлсангиз, устки кийимни ҳам шундан келиб чиқиб танланг. Оёқларингиз кўзга ташлангани ҳисобига олди ёпиқ ва ёпишиб турмайдиган устки кийим кийганингиз яхши. Калта юбка билан очиқ ва тор кофта бачкана ҳамда ҳаддан ортиқ эътибор жалб этадиган бўлиб кўринади.
Белга урғу бермаслик
Кундалик учун образ танлаганда қоматга урғу беришни ёддан чиқарманг. Узун юбка, кенг устки кийим ва паст пойабзал қулай бўлиши мумкин, аммо бундай комбинация қўпол кўринишингизга сабабчи бўлади. Бунинг олдини олиш учун эса бел қисмингизга камар билан урғу бериш тавсия қилинади.
Нотўғри баландликдаги пойабзал
Оёқ кийим баландлиги ва юбка этагининг узунлиги қиз ва аёллар бўйини баланд ёки аксинча паст кўринишига сабабчи бўлади. Бўйи баланд қизлар тиззадан тушиб турадиган юбка ва узунроқ пойабзаллар билан чиройли кўриниши мумкин, аммо ўрта бўй қизлар яна ҳам паст кўринади. Шу сабаб ҳам оёқнинг энг ингичка жойида тугайдиган узунликдаги оёқ кийим кийиш тавсия қилади.
Изоҳ (0)