Жемпер, кофта, кўйлакларнинг ёқаси юзнинг ёнида жойлашгани учун кийимнинг бошқа қисмига қараганда тез-тез кўзга ташланиб туради. Шу сабабли ёқа шакли ва ўлчамини танлаш билан боғлиқ энг кичик хато дарҳол эътиборни тортади. Демак, ёқа ўлчами ва бичимига ҳам алоҳида аҳамият бериш лозим.
Ёқа ташқи устунликларга урғу бериши ёки аксинча, камчиликларни янада ошириб кўрсатиши мумкин. Одатда ёқа юзнинг шаклига эътибор берган ҳолда танланади. Тўғри тўртбурчак шаклидаги, ёноқ суяги бўртиб турадиган, пешонаси катта юзларга силлиқ, айлана чизиқли ёқа мос келади.
Мавзуга доир: Образни дидсиз кўрсатади, камчиликларга урғу беради: Сумка танлашда йўл қўйиладиган 9 хато
Агар овал шаклидаги юз, катта ва думалоқ кўз, қалин лаблар эгаси бўлсангиз, унда кўпроқ қирралари учли ёқаларга эътибор қаратинг.
Агар елкангиз кенг бўлса, қайиқ шаклидаги ёқалардан воз кечинг. Бундай ёқанинг горизонтал чизиғи елкани янада кенгроқ кўрсатади. Бунинг ўрнига V шаклидаги ёқали жемпер ва кўйлакларни танланг.
Елкаси кичик аёллар водолазка киймагани яхши. Баланд ёқа бўйни янада қисқароқ кўрсатади. Тик ёқали либослар ҳам тўғри ечим эмас, бу борада қайтарма ёқали кўйлак кийган маъқул.
Агар оёқ ва тос суягингиз бақувват бўлиб, елкаларингиз аксинча, нозик бўлса, урғуни тепа қисмга беришни маслаҳат берамиз. Бу мутаносибликни сақлашга ва муаммоли қисмни ёпишга ёрдам беради. Бунинг учун кенг ва катта ёқали либосларни танланг.
Мавзуга доир: Дидсизликка ишора: урфда бўлишига қарамай ташқи кўринишга путур етказувчи 7 хато (фото)
Изоҳ (0)