Jemper, kofta, ko‘ylaklarning yoqasi yuzning yonida joylashgani uchun kiyimning boshqa qismiga qaraganda tez-tez ko‘zga tashlanib turadi. Shu sababli yoqa shakli va o‘lchamini tanlash bilan bog‘liq eng kichik xato darhol e’tiborni tortadi. Demak, yoqa o‘lchami va bichimiga ham alohida ahamiyat berish lozim.

Foto: Cosmopolitan

Yoqa tashqi ustunliklarga urg‘u berishi yoki aksincha, kamchiliklarni yanada oshirib ko‘rsatishi mumkin. Odatda yoqa yuzning shakliga e’tibor bergan holda tanlanadi. To‘g‘ri to‘rtburchak shaklidagi, yonoq suyagi bo‘rtib turadigan, peshonasi katta yuzlarga silliq, aylana chiziqli yoqa mos keladi.

Foto: Cosmopolitan

Agar oval shaklidagi yuz, katta va dumaloq ko‘z, qalin lablar egasi bo‘lsangiz, unda ko‘proq qirralari uchli yoqalarga e’tibor qarating.

Foto: Cosmopolitan

Agar yelkangiz keng bo‘lsa, qayiq shaklidagi yoqalardan voz keching. Bunday yoqaning gorizontal chizig‘i yelkani yanada kengroq ko‘rsatadi. Buning o‘rniga V shaklidagi yoqali jemper va ko‘ylaklarni tanlang.

Foto: Cosmopolitan

Yelkasi kichik ayollar vodolazka kiymagani yaxshi. Baland yoqa bo‘yni yanada qisqaroq ko‘rsatadi. Tik yoqali liboslar ham to‘g‘ri yechim emas, bu borada qaytarma yoqali ko‘ylak kiygan ma’qul.

Foto: Cosmopolitan

Agar oyoq va tos suyagingiz baquvvat bo‘lib, yelkalaringiz aksincha, nozik bo‘lsa, urg‘uni tepa qismga berishni maslahat beramiz. Bu mutanosiblikni saqlashga va muammoli qismni yopishga yordam beradi. Buning uchun keng va katta yoqali liboslarni tanlang.

Foto: Cosmopolitan