Тилла тақинчоқ деганда, кўпчиликнинг кўз олдига тошлар билан безатилган ва сандиқда сақланадиган эскича услубдаги заргарлик буюмлари келади. Аслида эса замонавий тенденциялардан келиб чиққан ҳолда ноодатий шакл ва ранглиси танланса, атрофдагилардан ажралиб туриш ва ноодатий кўринишга эришса бўлади.
Классик ва соф тилла аксессуарлар билан чекланиш
Ҳамиша бир хилликдан зериккан аёлларга тилла билан қопланган, қораймайдиган аксессуарларга эътибор қаратиш тавсия қилинади. Бундай тақинчоқлар билан оддий образ ҳам бежирим ва башанг кўринишга эга бўлади. Қолаверса, одатий классик тилла тақинчоқларни бугунги кунда нафақат аксессуарлар, балки либос ҳатто интерьерларда ҳам кенг қўлланилаётган пушти тиллага алмаштириш тавсия қилинади. Танлов борасида оддий образга қизиқарли урғу бериши мумкин бўлган геометрик шаклдаги моделларга эътибор қаратиш тавсия қилинади.
Тилла тақинчоқ билан фақат тилла тақиш
Замонавий тенденциялардан келиб чиқиб исталган металлни бошқа бири билан мосласа бўлаверади. Бир образни ўзида тилла ва кумушни умумлаштиришдан асло чўчиманг. Бу борада ЖерусалемБазаръдагидек узуклардан илҳомланишингиз мумкин. Заргарлик дўконларида бир тақинчоқни икки хил рангли турли металлдан ясалганини топишингиз мумкин. Уларни ҳар иккисини харид қилишингиз ёки бошқа-бошқа кўринишдагисини олиб, мослашингиз мумкин.
Учтадан ортиқ узук тақмаслик
Кўпчилик ҳар икки қўлда учтадан ортиқ узук бўлмаслиги керак, деган эскирган қоидага амал қилади. Сиз ҳеч иккиланмасдан турли шакл, ранг ва ўлчамга эга моделларни умумлаштиришингиз ва мослашингиз мумкин.
Фақатгина қимматбаҳо тошли тилла тақинчоқ тақиш
Бугунги кунда бриллиант ва бошқа қимматбаҳо тақинчоқлардан фарқли равишда экотақинчоқлар тақиш урфда. Шу сабаб ҳам турли номга эга бўлган табиий тошлардан ясалган вариантларга эътибор қаратинг.
Тилладан ясалган узук ва зиракларни бошқа тақинчоқлар билан тақиш
Аксессуар қанчалик сифатли бўлмасин тилла тақинчоқ ёнида дидсиз ва бачкана кўринади. Яхшиси оддий тақинчоқларни бошқа кунга олиб қўйинг.
Кийимга мосламаслик
Образда урғу фақат бир нарса ёки деталга бўлиши керак. Тилла тақинчоқни офисга тақишни истасангиз, либосингиз сипо ва ортиқча безакларсиз бўлишига эътибор қаратинг. Кундалик учун ингичка, турли узунликдаги тилла занжир, браслет ва узуклар айни муддао. Масалан, бел қисми юқори бўлган жинси шим ва оддий оқ футболка билан ёрқин тақинчоқ тақсангиз бўлади. Янада ўзига хос бўлиш учун эса табиий тошлардан ясалган тақинчоқ тақиш тавсия қилинади.
Тилла комплект тақиш
Тилла комплектни бирваракайига тақиб олиш исталган образни бачкана кўринишига сабаб бўлади ва зерикарли қилиб кўрсатади. Қолипга тушиб қолмаслик учун фантазия қилишдан чўчимаслик, тилла тақинчоқларни турли ранг ва шаклдагисини танлаш маслаҳат берилади.
Изоҳ (0)