Том Холланд, Зендея ва Жейкоб Баталон ижтимоий тармоқдаги саҳифаларида «Ўргимчак одам»нинг янги саргузаштлари ҳақидаги трилогиянинг янги қисмига оид суратлар билан бўлишди. Актёрлардан ҳар бири фильм қандай аталишини ошкор қилган, аммо таъкидланган вариантлар бир-бирига тўғри келмаган, деб ёзади Esquire.
Биринчи постни «Ўргимчак одам» ролининг ижрочиси Том Холланд жойлаган. Унда сиквелнинг номи «Ўргимчак одам: Уйга қўнғироқ» (Spider-Man: Phone Home) эканлиги айтилган.
Зендея томонидан жойланган суратда эса фильм номи «Ўргимчак одам: Оғайни» (Spider-Man: Home Slice) бўлиши таъкидланган. Жейкоб Баталоннинг версиясида эса учинчи қисм «Ўргимчак одам: Бузғунчи» (Spider-Man: Home-Wrecker) деб аталиши ёзилган.
Актёрлар фильм номи ҳар кимда ҳар хил экани сабаб ҳайратини яшира олмаган. Алал-оқибат Холланд, Зендея ва Баталон ушбу тушунмовчиликка режиссёр Жон Уоттс сабабчи, деган фикрга келган.
#SpiderManNoWayHome only in movie theaters this Christmas. pic.twitter.com/8C4e15Lw2k
— Marvel Entertainment (@Marvel) February 24, 2021
Кейинроқ эса Marvel’нинг Twitter саҳифасида премьераси 2021 йилнинг 17 декабрида бўлиши кутилаётган сиквелнинг учинчи қисми «Ўргимчак одам: Уйга йўл йўқ» деб номланиши маълум қилинган.
Мавзуга доир:
- Том Холланд «Ўргимчак одам» фильмининг суратга олиш жараёнидаги фото билан бўлишди. Бош қаҳрамон тиббиёт ниқоби тақиб олган
- Marvel студияси актёрлари суратга олиш майдончаларидан қандай сувенирларни олиб кетган?
- «Ўргимчак одам»нинг янги фильмларида Hyundai автомобилларидан фойдаланилади
- Уч ака-ука суперқаҳрамонга айланиш учун ўзларини заҳарли ўргимчакка чақтирди
- Туркияда ўргимчак одам пайдо бўлди. У кексаларни озиқ-овқат билан таъминламоқда (фото)
Изоҳ (0)