Орасида катта ёш фарқ бўлса-да, севишган жуфтликлар ролини ижро этган Болливуд юлдузлари (фото)

Муҳаббат ёш танламайди. Кекса ёшдаги эркак ва ёш қиз ёки аёл ва ёш йигит орасидаги муносабатлар ҳаётда ҳам, кинода ҳам ҳеч кимни ажаблантирмайди.

Амитабҳ Баччан, Табу, Рани Мукержи ва Жия Хон

Амитабҳ Баччан бу борада етакчи бўлиб, у айнан ўзидан бир неча ўн ёшга кичик актрисалар билан рол ижро этган. 2007 йил актёр «Шакарсиз севги рецепти» фильмида Табу билан жуфтлик ролини ўйнаган. Ўшанда Баччаннинг ёши 65 да, актриса эса 37 ёшда бўлган. Сценарийга кўра, қайнота куёвидан 6 ёшга кичик. «Зулмат» фильмида ҳам актёр 63, Рани эса 27 ёшда бўлган. Фильмда қиз ва уни болалигидан тарбиялаган ўқитувчи ўртасида муносабатлар тўлиқ ривожланмаган бўлса-да, бунга ишора бор эди. «Фақатгина севгига ишонманг» фильмида Жия Хон билан Баччаннинг ёшидаги фарқ сезиларли даражада эди. Актёр 65, актриса 19 ёшда бўлишига қарамай, улар фильм учун муносиб кўрилган.

Шоҳрух Хон ва Алия Бхатт 

Улар биргаликда 2016 йилда «Ҳаёт қадри» фильмида суратга тушган. Фильмни суратга олиш вақтида Хон 51, Алия эса 23 ёшда бўлган.

Ажай Девган ва Ракул Прит Сингх

«Мени сев» комедиясида кекса одамнинг ёш қиз дўсти бўлиб, унинг қариндошлари ва собиқ хотинининг муносабатлари акс этган. Ажай кинода ҳам, ҳаётда ҳам 50, Ракул эса 29 ёшда бўлган.

Ҳема Малини ва Ражкумар Рао

Рўйхатдаги энг етакчи жуфтлик. 2020 йил суратга олинган «Шимладаги аччиқ қалампир» фильмида Ҳема 72, Рао эса 36 ёш эди. Улар орасидаги фарқ ҳам 36 ёш.

Акшай Кумар ва Рекҳа

Картинанинг номи «Ўйинчилар қироли» бўлиб, 1996 йилда суратга олинган. Ўша пайтда Рекҳа 42, Акшай эса 29 ёшда эди. Аммо жуфтлик ўз ролини ажойиб тарзда ижро этган.

Акшай Кумар ва Киара Адвани

Улар 2020 йилда суратга олинган «Лакшми» драмасида турмуш қурган жуфтлик ролини ижро этган. Фильмдаги ёши номаълум бўлса-да, Акшай 53, Киара 28 ёш эди. Акшай дастлаб Рекҳа билан бу каби фарқли жуфтликни ижро этган бўлса, эндиликда унинг ўзи ҳам ёш актрисалар билан картиналарда иштирок этмоқда.

Димпл Кападия ва Акшай Ханна

Навбатдаги жуфтлик ҳам рекордни янгилаган. Димпл 44, Акшай эса 26 ёш бўлган фильмда ёш қаҳрамон ўзидан катта аёлга нисбатан ҳис-туйғуларга берилади.

Табу ва Ишан Хаттер

2020 йил «Муносиб куёв» телесериалида 25 ёшли Ишаан 50 ёшли Табу билан ажойиб жуфтлик ролини ижро этган. Орадаги фарққа қарамай, улар картинада уйғун кўринишни ҳосил қилган.