Таниқли ҳинд актёри, продюсер, телебошловчи ва Filmfare Award мукофотини қўлга киритиш бўйича рекордчи бўлган Шоҳрух Хон ижросидаги деярли барча фильм ва лойиҳалар муваффақиятга эришган. 55 яшар актёр арсеналидаги энг яхши фильмлардан мухлислар учун севимли жумлага айланган монолог ва диалогларни эътиборингизга ҳавола этамиз.
«Ўткинчи дунё» фильмидан
«Сени бутун умр севаман, ҳаётимнинг охирги онларигача севаман, ундан кейин ҳам шундай».
«Дўстона муносабатлар умр йўлдошлик билан давом этиши ҳам мумкин. Олға қараб қадам босилса бўлди. Олға қадам бос, йўл ўз-ўзидан очилади. Ўйлаб кўр, ўйлашинг учун бутун ҳаётимни бераман».
«Яша, кул, бахтли бўл..Ким билади, эрта келадими, йўқми…»
«Бутун ҳаёт давомида мен севгининг кетидан чопдим, ҳаёт мендан қочаётган вақт эса севгига дуч келдим».
«Девдас» фильмидан
— Ҳар қалай сени эслаган эканман.
— Қачон?
— Ҳар нафас олганимда.
«Ҳеч қачон алвидо деманг» фильмидан
«Муҳаббат ва ўлим чақирилмаган меҳмон бўлади».
«Баъзан дўстлик ўрнини муҳаббат эгаллайди, кейин муҳаббат учун жой қолмайди.
«Алвидо деманг, алвидо десангиз, учрашиш умиди сўнади».
«Камчилик иккимизда ҳам бор. Фақат фарқи шундаки, сен ўртадаги риштани узиш ҳақида гапирасан, мен эса мустаҳкамлаш ҳақида».
«Айтишларича, вақт ҳар қандай ярага малҳам бўлар экан, лекин шундай ришталар билан боғлиқ дардлар борки, вақт ўтгани сайин улар янада чигаллашиб, чуқурлашиб кетаверади».
«Ом Шанти Ом» фильмидан
«Агар инсон бирор нимани чин қалбдан ният қилса, бутун коинот уни шу орзусига етиштириш пайида бўлади».
«Худди фильмларимиздаги каби ҳаётимизда ҳам охирида ҳаммаси яхши якун топади. Қувончли ва хайрли. Мабодо яхши бўлмаса, унда ҳали тугамаган бўлади. Демак, фильмнинг ҳали давоми бор».
«Гоҳи шодлик, гоҳи ғам» фильмидан
«Нима бўлганда ҳам уйда ота-она бўлиши керак, Йўқса, оилада нимадир етишмаётгандек туюлаверади».
«Ҳаётда бирор мақсадни кўзлаб, унга эришмоқчи бўлсанг, орзунгга етмоқчи бўлсанг, қалбингга қулоқ сол. Жавоб тополмасанг, кўзингни юмгин-да, ота-онангни кўз олдингга келтир».
«Ҳаётда шундай дамлар бўладики, ёшлар катталарга тўғри йўл кўрсатади».
«Вир ва Зара» фильмидан
«Мен маҳбус етти юз саксон олтинчи, қамоқ дарчасидан маъюс боқаман».
«Севишганлар» фильмидан
«Қандай бўлсанг, шундайлигингча қол. Агар кимдир сени ўзгартиришга уринса, бу севги эмас, битим бўлади».
Мавзуга доир:
- «Катта давлатларда ҳам кичик кўнгилсизликлар бўлиб туради». Шоҳруххон ўйнаган фильмлардаги иқтибослар бўйича тест
- Гўдакликдан Болливуддаги муваффақиятгача: Шоҳруҳ Хоннинг аввал эълон қилинмаган суратлари (фото)
- Болливуд қироли Шоҳруҳ Хоннинг Дубайдаги ҳашаматли уйи — «Жаннат» қандай кўринишга эга? (фото)
Изоҳ (0)