Кўплаб юлдузлар ўзларининг асосий фаолияти — фильмларда ўйнаш, қўшиқ айтиш ёки ижтимоий тадбирларда қатнашишдан ташқари қўшимча даромад олиш мақсадида бизнес билан ҳам шуғулланишади. Улардан баъзилари ҳақида тўхталиб ўтамиз.
Жорж Клуни
Машҳур актёр текила ишлаб чиқариш билан шуғулланади. Унинг Casamigos номли бренди АҚШ ва Мексикада жуда машҳур. Актёрнинг бизнес шериги Клуни ўнлаб текилаларни синаб кўргани, охир-оқибат энг яхшисини ўзи яратишга қарор қилганини айтади.
Жессика Альба
Жессика — уй-рўзғор буюмлари ва терини парвариш қилувчи маҳсулотларини ишлаб чиқарадиган Honest Company’нинг асосчиси ҳисобланади.
Гвинет Пэлтроу
Актрисанинг ўзига хос Goop номли бренди бор, у баъзида қиммат аксессуарлар ёки сауна учун инфрақизил адёл каби жуда ғалати нарсаларни сотади.
Венера Уильямс
Машҳур теннисчи V*Starr Interiors дизайнерлик компаниясини асос солган ва интерьер дизайнер сифатида ном қозонган. У томонидан яратилган лойиҳаларга Майамидаги футболчи ва баскетболчилар учун уй, ўша ердаги меҳмонхоналар тармоғи, Вашингтондаги Говард университети спорт иншоотларини мисол қилиб келтириш мумкин. Маълум бўлишича, Уильямс Niido билан ҳамкорликда Airbnb’нинг ҳашаматли квартираларини ҳам лойиҳалаштиришда иштирок этади.
Билл Мюррей
Актёр ўзининг ноодатий хатти-ҳаракати ва ғайритабиий истаклари билан танилган. У гольф ўйнашни яхши кўради, шу сабабли 2016 йилда айнан шу спорт учун шахсий кийимлар тармоғини яратган.
Николас Кейж
Актёр Багама архипелагида шахсий орол сотиб олгани ва бир мунча вақт уй ҳайвони сифатида саккизоёқ боққани билан ҳам яхши таниш. Аммо энг қизиқ воқеа 2011 йилда бўлган.
1997 йилда у суперқаҳрамонлар тасвирланган 1934 йилдаги комиксини 150 минг долларга сотиб олади. 2000 йилда актёр комикс ўғирланганлигини овоза қилади, 2011 йилда эса гўё уни уйининг чордоғидан топиб олади. Шундан сўнг комиксни онлайн кимошди савдосига қўйиб, икки миллион доллардан ошиқ нархга сотади.
Скарлетт Йоханссон
Жозибадор актриса 2016 йилда Парижда попкорн дўконини очган. Йоханссоннинг айтишича, унинг орзуси – Европадаги севимли шаҳрига севимли Америка таомларини олиб келиш эди. Унинг дўконида пишлоқ, труффел, зайтун мойи, шоколад билан қопланган қулупнайли попкорнлар сотилган. Афсуски, унинг бизнеси орадан кўп ўтмай омадсизликка учраган.
Изоҳ (0)