«Титаник» юлдузи Кейт Уинслет Observer Magazine нашрига берган интервьюсида «Аватар 2» фильмининг суратга олиш жараёнидаги тафсилотлар билан бўлишди.
Сув остида бўлишни жуда ҳам ғаройиб деб атаган актриса, бу вақтда киши ҳеч нарса ҳақида ўйламасдан, шунчаки рўпарасидаги пуфакларни томоша қилиш мумкинлиги ҳақида айтиб ўтган. «Сув юзасига чиққанда биринчи бўлиб мен тирикманми, деб сўраганман. 7 дақиқа сув остида бўлганимдан кейин ўлганман, деб ўйлаганман».
Кейт, Жеймс Кэмероннинг блокбастерида Ронал ролини ижро қилиш учун фридайвинг (сув остида нафас олмай туриш) билан махсус шуғулланган. Бу борада унга турмуш ўртоғи Нед Рокнролл ёрдам берган.
«Бу жуда ҳам ажойиб бўлган, мен ўзим билан фахрланганман. Эҳтимол, ҳеч қачон қайта бунинг уддасидан чиқа олмайман. Натижага тўрт ҳафта давомида зўр бериб ишлагандан кейин эришганман. Бироқ менга бу жуда ҳам ёққан», — деган Кейт.
Аввалроқ актриса суратга олиш жараёнида сув остида узоқ туриш бўйича Том Круз ўрнатган рекордни янгилаганини билмагани ҳақида айтиб ўтган. Актёр «Уддалаб бўлмас топшириқ 5» фильмининг суратга олиш жараёнида 6 дақиқани сув остида ўтказган.
Мавзуга доир:
- «Мен доим рўйхат охирида қоладиган семиз қиз бўлганман». Кейт Уинслет ўзига нисбатан паст баҳо ва қўрқувлари ҳақида гапирди
- «Шон-шуҳратга тайёр эмасдим». Кейт Уинслет «Титаник» тақдимотидан сўнг матбуотда кескин танқидларга учрагани ҳақида сўзлаб берди
- «Жасур инглиз атиргули» номини олган Кейт Уинслет 45 ёшга тўлди. Актриса ҳақида кўпчилик билмаган маълумотлар (фото)
Изоҳ (0)