Данияда 1 мартдан бошлаб майдони 5 минг квартар метрдан кам бўлган дўконлар ва мамлакатнинг айрим ҳудудларидаги мактаблар фаолиятини бошлайди. Бу ҳақда «Интерфакс» хабар қилди.
Март ойидан таълимни анъанавий шаклда давом эттирадиган ўқувчилар ҳафтада камида икки марта коронавирусни аниқлаш бўйича тест топшириши лозим. Кўчаларда 25 кишидан иборат гуруҳларнинг тўпланишига рухсат берилган. Дания ҳукумати чекловлар юмшатилганидан кейин касалланишлар сони кўпайиши мумкинлигини инкор этмаган, бироқ ушбу таваккалга қўл уришнинг вақти келганини қайд этган.
Мамлакатда пандемия бошланганидан бери 209 мингдан зиёд COVID-19 билан касалланиш ҳолати қайд қилинган, касаллик оқибатида вафот этган беморлар сони 2,3 минг нафардан кўп. Шунингдек, сўнгги вақтларда Даниядаги касалланиш ҳолатларининг ярмидан кўпи йил бошида Европада тарқалган коронавирус штамми билан боғлиқлиги айтилмоқда.
Аввал коронавируснинг «британча» штамми аниқланган мамлакатлар сони 100 дан ошгани, Грецияда COVID-19’га қарши эмланганларда жиддий асоратлар кузатилгани, Норвегияда коронавируснинг В.1.525 номли янги штамми аниқлангани ҳақида хабарлар берилган.
Изоҳ (0)