Россия ва Беларусь президентлари Владимир Путин ва Александр Лукашенко Красная Полянадаги қароргоҳда музокара ўтказди, дея хабар бермоқда Meduza.
Суҳбатнинг очиқ қисмида президентлар иқтисодий масалалар ва коронавирус билан боғлиқ вазиятни муҳокама қилди. Лукашенко, хусусан, Беларусь иқтисодиётига ёрдам бергани учун Путинга миннатдорчилик билдирди ва Россиянинг «Спутник V» вакцинаси дунёдаги энг самарали вакцина эканлигига ишонч билдирди.
Учрашувда Россия ва Беларусь чегаралари орқали автомобиль алоқасини тиклаш масаласи ҳам муҳокама қилинди. Транспорт алоқаси ёзгача тикланиши кутилмоқда.
Президентлар ўртасидаги музокаралар тахминан бир ярим соат давом этди, шундан сўнг улар чанғи ва қор мотоциклларида учишди. Шундан сўнг учрашув расмий кечки овқат тарзида давом этиши режалаштирилган.
Сўнгги марта Путин ва Лукашенко 2020 йил сентябрь ойида – минглаб одамларнинг норозилигига сабаб бўлган Беларусдаги президентлик сайловларидан бир ой ўтиб учрашган. Ушбу учрашув ҳам Сочида бўлиб ўтган эди.
Бундан аввал Россияда COVID-19’га қарши учинчи вакцина рўйхатдан ўтказилгани, Кремль Путинда нима сабабдан генерал унвони йўқлигига изоҳ бергани ҳамда Лукашенко смартфонлардан воз кечишга чақиргани ҳақида хабар берилганди.
Изоҳ (0)