Бугун,

  • USD 10940.05
  • RUB 182.26
  • EUR 11121.65

Юмшоқ бисквитдан тайёрланган ушбу ширинлик дўконлардагидан кўра анча мазали.

Фото: Lifehacker

Фото: Lifehacker

Керакли маҳсулотлар:

  • тухум – 1 дона;
  • шакар – 80 грамм;
  • сут – 130 мл;
  • сариёғ – 60 грамм;
  • ун – 200 грамм;
  • қабартма (разрихлитель) – ½ чой қошиқ.
Начинка учун:
  • желатин – 7 грамм;
  • сув – 130 мл;
  • шакар – 120 грамм;
  • лимон шарбати – 2 чой қошиқ.
Глазур учун:
  • қора шоколад – 100 грамм;
  • сариёғ – 1 чой қошиқ;
  • сут – 1 ош қошиқ.
Тайёрланиш жараёни:
  1. Аввало печ 180 даражада қизитилади. Тухум ва шакар кўпиргунча миксер қилинади. Кўпиртириш жараёнида сут ва бироз юмшатилган сариёғ қўшилади.
  2. Ун элакдан ўтказилиб, қабартма билан аралаштирилади. Сўнгра сутли аралашма оз-оздан қуйилиб, бир хил массали хамир тайёрланади.
  3. Хамир қандолат қопчаси ёрдамида пишириш варағи юзасига бир хил айлана шаклида сиқиб чиқарилади.
  4. Қизиган печда бисквитлар 12 дақиқа мобайнида пишириб олинади ва совитишга қўйилади.
  5. Желатин 100 мл сувда 20-30 дақиқага бўктирилади.
  6. Шакар 30 мл сув билан ўртача оловга қўйилади. Аралашма қайнаб чиққанидан сўнг яна 5-6 дақиқадан кейин оловдан олинади.
  7. Желатин микротўлқинли печда эригунга қадар 10-12 сонияга қиздирилади. Сўнгра каттароқ идишда яхшилаб миксер билан аралаштирилади. Шакарли қайнатма, лимон шарбати қўшилади. Суфле қаттиқ ва оппоқ бўлгунга қадар кўпиртиришда давом этилади.
  8. Бисквитларнинг сонига қараб уларнинг ярмига суфле жойлаштириб чиқилади. Қолган ярми эса устига ёпилади.
  9. Ҳосил бўлган икки қаватли бисквитлар 20 дақиқага музлаткичга қўйилади.
  10. Шоколад майда бўлакларга бўлиниб, сут ва сариёғ билан аралаштирилади. Сув ҳаммомида эритилади.
  11. Музлатилган бисквитлар шоколадли глазурга ботириб олинади, сўнгра идишга жойлаштирилиб, 1-2 соат давомида музлаткичга қўйилади.
Ёқимли иштаҳа!

Изоҳ
Асосий янгиликлар