Печда хуштаъм товуқ кабоб тайёрлаймиз

Озгина эътибор ва вақтингизни аямасангиз, тушликда оила аъзоларингизни мазали таом билан хушнуд этишингиз мумкин.

Керакли маҳсулотлар:

• товуқ филеси — 500 гр;
• ўсимлик ёғи — 3 ош қошиқ;
• саримсоқ — 3 бўлак;
• асал — 100 гр;
• мурч — 0,5 чой қошиқ;
• соя соуси — 80 мл;
• булғор қалампири —2 дона;
• кўкатлар.

1. Саримсоқни майдалаб, ўсимлик ёғи, асал, мурч ва соя соуси билан яхшилаб аралаштирамиз.
2. Филени бўлакларга бўлиб, тайёрлаб олинган маринад билан қориштирамиз. Устига плёнка ёпиб, 30—60 дақиқага музлаткичга қўямиз.
3. Булғор қалампирини ҳам ўртача катталикда тўғраб оламиз.
4. Товуқ бўлаклари ва сабзавотларни чўп сихларга териб, қолган маринадни устига суртиб чиқамиз.
5. Тайёр кабобларни печ патнисига териб, 200 даражали иссиқликда 15—20 дақиқа пиширамиз.
6. Кабобларни дастурхонга тортишдан аввал кўкатлар билан безаймиз.