Yoqimli ta’mga ega murabboli pechenye tayyorlab ko‘ring

Avstraliyada shirinliklar an’anaviy tarzda murabbo bilan tayyorlanadi. Bu kabi mazali pechenyelar so‘ngra bayramga sovg‘a sifatida taqdim etiladi.

Kerakli mahsulotlar:

• shakar upasi — 130 gramm;
• sariyog‘ — 220 gramm;
• tuxum sarig‘i — 1 dona;
• vanilin — 1 choy qoshiq;
• un — 350 gramm;
• murabbo — 220 gramm;
• tuz.

Tayyorlanish jarayoni:

• shakar upasi bilan sariyog‘ mikserda aralashtiriladi;
• ustidan tuxum sarig‘i va vanilin qo‘shiladi hamda aralashtirishda davom etiladi. Un va tuz qo‘shilgach yumshoq xamir tayyorlanadi;
• xamir teng ikkiga bo‘linadi va 20—30 daqiqaga muzlatkichga qo‘yiladi;
• xamirning ikkala qismi o‘rtacha qalinlikda yoyilib, yarmi dumaloq qoliplar yordamida bo‘laklarga bo‘linadi. Qolgani esa yurakcha shakli bor bo‘lgan qolip bilan bo‘laklarga bo‘linadi;
• dumaloq xamir ustiga yurakchali xamir terib chiqiladi;
• shirinliklar qolip ustiga qo‘yiladi va qizdirilgan pechda 10—12 daqiqa pishiriladi. So‘ngra sovitishga qo‘yiladi;
• yurakchalar ichi murabbo bilan to‘ldiriladi.

Yoqimli ishtaha! Mavzuga doir:

• Olchali qiyom qo‘shib tayyorlanadigan tvorogli shirinlik retsepti
• Klassik chizkeyk tayyorlab ko‘ring
• Shokolad va tvorogdan ajoyib ta’mga ega pirog tayyorlab ko‘ring
• Pechda pishirish shart emas: atigi 4 mahsulot bilan shokoladli chizkeyk tayyorlab ko‘ring
• Desert uchun antiqa “profitroli” shirinligini tayyorlaymiz