Нозик таъмни қадрловчилар учун: «Прага» торти рецепти

Нозик таъмни қадрлайдиганлар учун яна бир ажойиб ширинлик рецептини тақдим этамиз.

Керакли маҳсулотлар:

Бисквит учун:

• тухум — 6 дона;
• шакар — 150 г;
• ун — 115 г;
• сариёғ — 40 г;
• какао — 25 г;
• сув — 20 мл.

• қуюлтирилган сут — 120 г;
• сариёғ — 200 г;
• какао — 10 г;
• ванил шакари — 1 пакет

• сув — 100 г;
• шакар — 70 г;
• чой — 2 чой қошиқ;
• ўрикли мураббо ёки жем — 3-4 ош қошиқ.

• шоколад — 70 г;
• сариёғ — 50 г.

1. Бисквит тайёрлаб олиш учун 6 та тухумнинг сариғини оқидан ажратиб олинг. Тухум сариғи оч рангга киргунча, шакар билан кўпиртиринг.
2. Тухум оқини ҳам кўпиртириб, яхшилаб қотгач, оз-оздан шакар қўшинг.
3. Кўпиртирилган тухум оқига тухум сариғини солиб, асталик билан бир йўналишда аралаштиринг.
4. Ун ва какаони тухумли массага қўшиб, тепадан пастга қилиб аралаштиринг.
5. Сариёғни эритиб, совитинг. Уни ҳам идишдаги массанинг бир четидан қуйиб, секин аралаштиринг.
6. Печ патнисига қандолат қоғози солиб, бисквит қолипига тайёр массани қуйинг ва устини текисланг. Бисквитни 200 даражали иссиқликдаги печга 30 дақиқага қўйинг.
7. Кремини тайёрлаш учун чуқурроқ идишга тухум сариғи ва совуқ сув солиб, аралаштиринг. Унга қуюлтирилган сут қўшиб, паст оловга қўйинг ва яхшилаб қуюлгунча, тинмай аралаштиринг.
8. Сариёғни ванил шакари билан бирга яхшилаб кўпиргунча миксерланг. Кейин унга секин-асталик билан сироп ва 10 г какаони солинг. Бир текис бўлгунча миксерлашда давом этинг.
9. Сироп учун 100 мл дамланган чойга шакар солинг. Бисквитни 3 га бўлиб, бўлакларни сироп билан намланг.
10. Сироп шимдирилган бўлакка кремнинг ярмини суртинг, иккинчи бўлакни биринчи бўлак устига қўйинг ва қолган кремни ҳам суртинг. Учинчи бўлак устига ўрик мураббоси суртинг ва 20 дақиқага музлаткичга қўйинг.
11. Шоколад ва сариёғни микротўлқинли печда ёки сув ҳаммомида эритиб олинг. Торт устини глазур билан қопланг. Бироз қотгач, глазурни қандолат қопчасига қуйиб, безак беринг.