Тошкент ҳокимлиги коммунал хизматлар, ёмон йўллар ва шаҳардаги бошқа муаммолар бўйича мурожаатларни қабул қилувчи сервисни ишга туширди

Тошкент шаҳар ҳокимлиги шаҳар инфратузилмаси, уй-жой коммунал хизмат кўрсатиш ва ободонлаштириш соҳасидаги муаммоларга оид мурожаатларни қабул қилишга мўлжалланган сервисни ишга туширди.

«Тошкент шаҳар ҳокимлиги томонидан ташкил қилинган ‘Халқ назорати’ хизмати орқали сиз шаҳар инфратузилмаси, уй-жой коммунал хизмат кўрсатиш ва ободонлаштириш соҳасидаги муаммолар тўғрисида мурожаат қолдиришингиз мумкин. Хизматдан сайтимиз ҳамда Android ва iOS фойдаланувчилари мобил илова орқали фойдаланиши мумкин», — дейилади хабарда.

Сервисдан фойдаланиш учун дастлаб рўйхатдан ўтиш, керакли маълумотларни киритиш, паспортни сканер қилиш керак — смартфон автоматик тарзда рўйхатдан ўтказади. Шундан сўнг мурожаат уч босқичда юборилади. Бунда муаммо тоифаси ва мавзуси танланади ҳамда унга таъриф берилади.

Бундан ташқари, бартараф этилган муаммо юзасидан ижрочига баҳо бериш ҳам мумкин. Фуқаролар томонидан берилган баҳолар натижаларига кўра, ҳосил бўлган умумий кўрсаткич билан «Рейтинг» бўлимида танишса бўлади.