Ўзбекистонда 12 мингга яқин хорижий капитал иштирокидаги корхоналар борлиги маълум қилинди

Давлат статистика қўмитаси маълумотларига кўра, 2021 йилнинг 1 февраль ҳолатига кўра, Ўзбекистонда хорижий капитал иштирокида фаолият кўрсатаётган корхоналарнинг сони 11 919 тани ташкил этмоқда.

Шулардан 5724 таси қўшма корхона, 6195 таси хорижий корхоналардир. Уларнинг энг кўпи — саноат (3981 та) ва савдо (3148 та) соҳаларидаги корхоналар.

Қурилиш соҳасида бундай корхоналар сони 966 та, қишлоқ, ўрмон ва балиқчилик хўжалигида 690 та, яшаш ва овқатланиш бўйича хизматларда 507 та, ташиш ва сақлашда 322 та, ахборот ва алоқа соҳасида 321 та, соғлиқни сақлаш ва ижтимоий хизмат кўрсатиш соҳасида эса 174 тани ташкил этмоқда.

Ҳудудлар кесимида хорижий капитал иштирокида фаолият кўрсатаётган корхоналарнинг сони қуйидагича:

• Тошкент шаҳри — 7017 та;
• Тошкент вилояти — 1319 та;
• Самарқанд вилояти — 590 та;
• Фарғона вилояти — 460 та;
• Сурхондарё вилояти — 430 та;
• Андижон вилояти — 348 та;
• Бухоро вилояти — 298 та;
• Наманган вилояти — 263 та;
• Навоий вилояти — 240 та;
• Қашқадарё вилояти — 220 та;
• Жиззах вилояти — 206 та;
• Сирдарё вилояти — 186 та;
• Хоразм вилояти — 177 та;
• Қорақалпоғистон Республикаси — 165 та.