Хитой жануби-шарқидаги Хунань провинциясидаги истироҳат боғида занжирли карусел аттракциони ишида носозлик кузатилди, оқибатда камида 16 киши жабрланди. Бу ҳақда маҳаллий ҳукуматга таяниб Sinxua агентлиги хабар бермоқда.
Mal funcionamiento en parque de juegos en la ciudad de Hunan, China. 13/02/21. pic.twitter.com/QXmdoJdkEp
— Ruben Abarca (@AbarcaRbn) February 14, 2021
Носозлик туфайли аттракционда учаётган баъзи одамлар ундан тушиб кетди. Жабрланганлар касалхонага етказилди, улардан уч нафари оғир аҳволда.
Ҳодисадан кейин аттракцион ёпиб қўйилди.
2019 йил ёзида Жиззахдаги истироҳат боғларидан бирида одамлар ўтирган аттракцион қоқ ўртасидан иккига бўлиниб кетган, бахтсиз ҳодиса оқибатида бир қиз фожиавий тарзда ҳаётдан кўз юмган эди.
Ўша йили сентябрда Намангандаги кўнгилочар истироҳат боғида 18 ёшли қиз аттракционда олган тан жароҳати туфайли вафот этди. У синов тариқасида ҳаракатлантирилаётган аттракционга рухсатсиз чиқиб олган.
2020 йил январида эса Фарғонадаги Ал-Фарғоний номидаги истироҳат боғида ҳам инсон ўлими билан тугаган фавқулодда ҳолат юз берди. Booster Max номли аттракцион ишлаб турган вақтида унинг болтлари ечилиб, деталларидан бири чиқиб кетган. Ушбу деталь аттрационда учаётган 32 ёшли Н.Ю. исмли аёлнинг бошига келиб тушган.
Мавзуга доир:
- Жиззахда аттракцион қулаши оқибатида 20 ёшли қиз ҳалок бўлди
- Наманганда 18 ёшли қиз аттракционда жароҳатланиб вафот этди
- Видео: Саудия Арабистонида қурилаётган дунёдаги энг баланд, энг узун ва энг тез «Америка тепаликлари» аттракциони
- Видео: «Америка тепаликлари» аттракционида учаётган 22 та ўйинчоқ айиқча
- Фарғонадаги паркда фожиа: Аттракционнинг ечилиб кетган детали аёлни ўлдирди
Изоҳ (0)