Xitoy janubi-sharqidagi Xunan provinsiyasidagi istirohat bog‘ida zanjirli karusel attraksioni ishida nosozlik kuzatildi, oqibatda kamida 16 kishi jabrlandi. Bu haqda mahalliy hukumatga tayanib Sinxua agentligi xabar bermoqda.
Mal funcionamiento en parque de juegos en la ciudad de Hunan, China. 13/02/21. pic.twitter.com/QXmdoJdkEp
— Ruben Abarca (@AbarcaRbn) February 14, 2021
Nosozlik tufayli attraksionda uchayotgan ba’zi odamlar undan tushib ketdi. Jabrlanganlar kasalxonaga yetkazildi, ulardan uch nafari og‘ir ahvolda.
Hodisadan keyin attraksion yopib qo‘yildi.
2019-yil yozida Jizzaxdagi istirohat bog‘laridan birida odamlar o‘tirgan attraksion qoq o‘rtasidan ikkiga bo‘linib ketgan, baxtsiz hodisa oqibatida bir qiz fojiaviy tarzda hayotdan ko‘z yumgan edi.
O‘sha yili sentabrda Namangandagi ko‘ngilochar istirohat bog‘ida 18 yoshli qiz attraksionda olgan tan jarohati tufayli vafot etdi. U sinov tariqasida harakatlantirilayotgan attraksionga ruxsatsiz chiqib olgan.
2020-yil yanvarida esa Farg‘onadagi Al-Farg‘oniy nomidagi istirohat bog‘ida ham inson o‘limi bilan tugagan favqulodda holat yuz berdi. Booster Max nomli attraksion ishlab turgan vaqtida uning boltlari yechilib, detallaridan biri chiqib ketgan. Ushbu detal attratsionda uchayotgan 32 yoshli N.Yu. ismli ayolning boshiga kelib tushgan.
Mavzuga doir:
- Jizzaxda attraksion qulashi oqibatida 20 yoshli qiz halok bo‘ldi
- Namanganda 18 yoshli qiz attraksionda jarohatlanib vafot etdi
- Video: Saudiya Arabistonida qurilayotgan dunyodagi eng baland, eng uzun va eng tez “Amerika tepaliklari” attraksioni
- Video: “Amerika tepaliklari” attraksionida uchayotgan 22 ta o‘yinchoq ayiqcha
- Farg‘onadagi parkda fojia: Attraksionning yechilib ketgan detali ayolni o‘ldirdi
Izoh (0)