Польша шимолида жойлашган фермадаги қоракўзанларда аниқланган коронавирус штамми одамларга юқиши ва аксинча, инсонлардан қоракўзанларга юқиши мумкин. Бу ҳақда Польша Қишлоқ хўжалиги вазирлиги хабар берди.
«Кратуск ҳудудида жойлашган фермадаги қоракўзанларда аниқланган коронавирус штамми одамларга юқиши ва аксинча, улардан қоракўзанларга ўтиши мумкин», — дейилади вазирликнинг вирусологлар билан бирга ўтказилган тадқиқот юзасидан баёнотида.
Польша шимолидаги Поморск вилоятида ферма қоракўзанларининг коронавирусга чалингани ҳақида январь охирида маълум қилинган. Ўшанда 5,8 мингдан зиёд қоракўзанларни йўқ қилиш ҳақида қарор чиқарилган. Мамлакат миқёсида жами 350 та шундай ферма фаолият олиб боради.
2020 йил 4 ноябрда Дания бош вазири Метте Фредериксен коронавирус ҳайвонлар орасида мутацияга учрагани ва одамларга юқиши мумкинлиги туфайли мамлакатдаги қоракўзанларнинг йўқ қилинишини билдирган. 10 ноябрга келиб мамлакат ҳукумати ушбу қарорнинг нотўғри бўлганини тан олган. Декабрда Литванинг Йонав туманидаги қоракўзанлар етиштирувчи Danmink фермасида коронавирус тарқалишини тўхтатиш учун, тахминан, 40 мингта қоракўзан йўқ қилиниши ҳақида хабар берилган.
Изоҳ (0)