Англиянинг Нортамберленд графлигида яшовчи Шона Хигстон уйига қайтиб келганида унинг олтин балиғи – Стивеннинг оғзидан Кори исмли лаққа балиғининг думи чиқиб турганини кўради. Маълум бўлишича, Стивен аквариумдаги шеригини емоқчи бўлганида жағини синдириб олган, деб хабар беради Esquire.
Яхшиямки, Шона ветеринар-жарроҳ. У Стивеннинг томоғини ёриб, мўъжизавий тарзда омон қолган балиқни қутқариб олди. Эртаси куни олтин балиқ операция хонасига олиб кетилди.
У ерда балиқни хушсизлантириб, томоғини тикишди. Унинг сингган жағи пластик қисқич билан маҳкамланди. Шундан сўнг Стивен карантинли сувдонда яшади. Шона уни қисқич ёрдамида озиқлантирган.
Шонанинг сўзларига кўра, Стивен анчадан буён ўзини яхши ҳис қилмоқда ва жағидаги қисқичлар олингандан сўнг аквариумга қайтган. Балиқ эгаси ҳалигача секин ҳаракатланадиган Стивен тезкор Корини қандай тутиб олганини тушунмайди. Унинг таъкидлашича, олтин балиқлар жуда ғазабли ва ҳамма нарсани еб қўйиши мумкин.
Мавзуга доир:
- Бельгиялик аёл туяқуш билан пикник уюштирди. Овқат йўқ — фақат меҳр ва қучоқлар (видео)
- Америкалик аёл товуғининг юрагини даволатиш учун 10 минг доллар сарфлади
- Россияда қоп ичидан қутқариб олинган мушук «вазир ўринбосари»га айланди (видео)
- Нью-Йоркда олмахонлар кутилмаганда одамларга ҳужум қила бошлади
- Германияда оққуш темир йўлга ўтириб олиб, 23 та поезд ҳаракатини бир соатга тўхтатиб қўйди
Изоҳ (0)