Twitter фойдаланувчиларидан бири уйидаги робот-чангютгичи оддий кўзгу билан чиқиша олмагани тўғрисидаги қизиқарли воқеа ҳақида маълумот берди, деб ёзади Hi-Tech.Mail.ru.
У робот-чангютгичи уйида кўзгу ортидаги портални топиб олгани тўғрисида ёзилган иккита кадрни эълон қилган. Қуйида хонанинг ҳақиқий расми келтирилган:
Буниси эса уйдаги ёрдамчи робот-чангютгичнинг харитасида кўрсатилган макон:
Суратнинг ўнг тарафидаги улкан макон аслида мавжуд эмас — робот-чангютгичнинг шунчаки навигацияси адашган.
Қурилма атрофнинг харитасини лидарнинг ҳаракати ҳисобига яратади. Технологиянинг ишлаш принципи эхолокацияга ўхшайди: импулслар турли объектлар билан тўқнашганида (девор, мебель ёки кўзгу) ҳосил бўладиган ёруғлик импулслари ва вақтга оид маълумотларга асосланиб, робот уларгача бўлган реал масофани аниқлайди.
Бинонинг харитаси роботга уй бўйлаб оптимал ҳаракатланиш, шунингдек, уй тозалаб бўлинганидан сўнг, қувватлантириш базасига қандай қилиб тез етиб бориш имконини беради.
Уй учун мўлжалланган қурилма ва кўзгу ўртасидаги қизиқарли воқеа бошқа платформаларда ҳам кенг муҳокамага сабаб бўлган. Фойдаланувчилар ўзларининг қурилмаси «Нарнияни топиш»га қодирлигини ёза бошлаган. Бу каби ҳолат, масалан, уйни тозалашдан олдин пардалар кўтарилмаса содир бўлади — робот-чангютгич пардага ўралиб қолади, ғилдираклари сирпаниб кетгани сабаб навигация бузилади. Хаёлий Нарния эса харита янгилангунига қадар узоқ вақт схемада тасвирланиб туради.
Изоҳ (0)