«Ўзбекистон темир йўллари» янги йўналишларда поездлар қатновини йўлга қўймоқда. Бу ҳақда компания матбуот хизмати хабар берди.
Қайд этилишича, янги йўналишлар «Ўзбекистон Республикасида ички ва зиёрат туризмини янада ривожлантириш чора-тадбирлари тўғрисида»ги Президент фармони ижросини таъминлаш ҳамда йўловчиларга янада қулайлик яратиш мақсадида йўлга қўйилмоқда.
Жумладан, 2021 йилнинг 15 февраль кунидан бошлаб Андижон—Нукус—Андижон йўналишида, 18 февралдан бошлаб эса Термиз—Хива—Термиз йўналишида 684/683-сонли йўловчи поездлари қатнови бошланади.
Шу муносабат билан қуйидаги йўналишларда ҳаракатланадиган поездларнинг ҳаракат жадвалига ўзгартириш киритилади:
- 14 февралдан 93-сонли Андижон—Тошкент;
- 17 февралдан 84/83-сонли Тошкент—Термиз—Тошкент;
- 19 февралдан 656-сонли Андижон—Хива;
- 20 февралдан 6434-сонли Урганч—Питнак;
- 21 февралдан 398-сонли Андижон—Хива.
Шунингдек, кўрсатилган йўналишлар бўйича авиарейсларни ва темир йўл қатновларини, шунингдек, Тошкент шаҳридан Бухоро, Нукус, Термиз ва Урганч шаҳарлари ҳамда Фарғона водийсига қатнов йўналишлари бўйича авиарейсларни субсидиялаш назарда тутилган.
Изоҳ (0)