Facebook АҚШ ҳуқуқ-тартибот органларига Капитолийга уюштирилган ҳужум иштирокчиларининг шахсини аниқлашда ёрдам берди. Бу ҳақда Tengrinews хабар берди.
Компаниянинг тартибга солиш бўлими раҳбари Моника Бикерт сўзларига кўра, Facebook корпорацияси штурм тугаганидан кейин терговчиларга ёрдам берган.
Компания ходимлари тартибсизлик иштирокчилари тармоққа жойлаган фотосуратларни таҳлил қилиб чиқди. Лекин бу жараёнда шахсни аниқловчи дастурий таъминотдан фойдаланилмади.
Шунингдек, Facebook АҚШ ҳукуматининг маълумот сўраб қилган талабларини бажарди ва янги норозилик намойишлари ўтказишга чақирувчи хабарларни ўчириб ташлади.
Ҳужумдан кейинги бир неча кун ичида, компаниянинг операцион директори Шерил Сандбергнинг айтишича, тартибсизликлар асосан бошқа ижтимоий тармоқ платформаларида режалаштирилган. Лекин кўп ўтмай, журналистлар Facebook ва Instagram воқеалар ҳақидаги маълумотларни мувофиқлаштириш ва тарқатишнинг асосий воситаси бўлганини исботловчи далилларни топди.
Маълумот учун, 3 ноябрда бўлиб ўтган президентлик сайловида Демократик партиядан номзод Жо Байден ғалаба қозонган эди, лекин республикачи Трамп сайлов натижаларини тан олишдан бош тортган.
6 январь куни Дональд Трампни қўллаб-қувватловчилар томонидан ташкил этилган «Американи қутқариш марши» номли норозилик намойиши иштирокчилари пойтахт Вашингтондаги Капитолий биносига бостириб кирди.
Мавзуга доир:
- Трампнинг тарафдорлари Капитолийни қандай қилиб штурм билан олганини кўринг. Бу — тарихий кадрлар
- Трампнинг тарафдорлари Капитолийни эгаллади, Жо Байден эса буни исёнга тенглаштирди. Вашингтондан фотосуратлар
- Обама Капитолийга қилинган ҳужумни Америка учун «буюк шармандалик» деб атади
- АҚШ собиқ президенти Картер Вашингтондаги норозиликларни фожиа деб атади
- АҚШда Капитолий штурмида қатнашганлар ҳибсга олинди. Улар орасида QAnon «шомони» ҳам бор
- АҚШда Капитолийга шиддатли ҳужумдан кейин ички терроризм бўйича 25 та иш қўзғатилди
Изоҳ (0)