Польшада хусусий нашрлар ОАВга реклама солиғи қўлланилишига қарши ўз норозилигини билдирмоқда

Польшадаги бир неча хусусий телеканаллар, радиостанциялар ва интернет нашрлари 10 февраль куни иш ташлаш эълон қилди, деб хабар бермоқда Reuters.

Режалаштирилган солиқ, ҳукуматнинг фикрига кўра, коронавирус пандемияси томонидан жиддий зарар кўрган соғлиқни сақлаш ва маданият соҳаси учун маблағ йиғишга ёрдам беради. Солиқ реклама даромадларининг 2 фоизидан 15 фоизигача солиниши мумкин. Миқдор компания катталигига қараб ҳисоблаб чиқилади.

Польша бош вазири Матеуш Моравецкий қонун лойиҳаси устида иш олиб боришини маълум қилди.

«Биз ортиқ кутишни хоҳламаймиз ва биз телевизор экранларида, компьютерларимизда ҳамда телефонларимизда пайдо бўладиган рақамли дунё учун жавоб берадиган янги ечимларни таклиф қилмоқдамиз. Бойларнинг бойлиги сабаб камбағаллар янада камбағал бўлмаслиги керак. Улар ижтимоий-иқтисодий ривожланишда ҳам иштирок этишлари керак», – деди ҳукумат раҳбари.

Танқидчилари таъкидлашларича, қонун билан мамлакат расмийлари оммавий ахборот воситалари устидан назоратни кучайтиришга қарор қилган. Декабрь ойида давлатга қарашли PKN Orlean нефтни қайта ишлаш заводи Германияга тегишли Polska Press’ни сотиб олганини эълон қилганида бу масала биринчи бор кўтарилди.

https://twitter.com/sokoIowski/statuses/1359423987248472064

Мустақил нашриёт гуруҳлари расмийларга мурожаат қилиб, солиқ «Польшада баъзи оммавий ахборот воситаларини заифлаштириш ва ҳатто йўқ қилишни» ва хусусий ҳамда давлатга тегишли оммавий ахборот воситалари ўртасидаги тенгсизликни чуқурлаштиришни англатади.

«Кўпгина нашрлар рентабеллик чегарасида мувозанатлашмоқда. Ушбу қўшимча солиқ қолган барча фойдани олиб қўйиши мумкин», – дейди Press Publishers ассоциацияси раҳбари Марек Фраковяк.

Ташкилот маълумотларига кўра, пандемия пайтида оммавий ахборот воситаларининг рекламадан тушумлари 30-50 фоизга, сотувлар эса 30 фоизга камайган. Асосий нашрлар даромадларнинг пасайиши ҳақида шикоят қилган.

Oneт Bartosz Veglarchik интернет нашри бош муҳаррири сўзларига кўра, янги солиқ туфайли нашрнинг бош компанияси йилига 10-20 миллион злотий (2,7–5,4 миллион доллар) тўлаши керак.

Иш ташлашда иштирок этмаган TVP Info давлат телевидениеси «оммавий ахборот воситалари ўзларининг миллионлаб долларлик фойдаларини поляклар билан бўлишишни истамаслигини» ва «Польшага мустамлака каби муносабатда бўлишини» эълон қилди. Ҳукумат узоқ вақтдан бери хорижий ОАВ Польша оммавий ахборот воситалари майдонида жуда катта кучга эга эканлиги ва улар жамоат мунозараларини бузиб кўрсатаётгани ҳақида даъво қилмоқда.