«Форсаж 9» фильмининг режиссёри Жастин Лин суратга олиш жуда мураккаб бўлган эпизодлардан бирига оид видеоролик билан бўлишди. Toyota GТ86 иштирокидаги тўрт сониялик саҳнани суратга олиш учун саккиз ой керак бўлган, деб ёзади Motor.
Эълон қилинган видеороликда Вин Дизель қаҳрамони қизил Toyota GТ86’да кўча бўйлаб ҳаракатланади. Қайсидир онда Доминик Тореттонинг спорткари кескин ён томонга шу қадар отилиб кетадики, автомобиль дўкон пештахталаридан ўтиб, ҳаракатланаётган фургон кузови ёнида пайдо бўлиб қолади.
Toyota дўконни «кесиб» ўтиши учун муҳандислар спорткарга махсус платформа ўрнатган бўлиб, у ўз навбатида рельс бўйлаб ҳаракатланган. Экстремал трюкнинг мураккаблиги шундаки, мутахассислар GТ86’нинг парвозини юк машинаси ҳаракатига шу қадар мослаштириши керак бўлганки, спорткар кузовнинг белгиланган жойига келиб урилиши керак эди.
One 4 second shot in #F9. 8 months of prep. 4 days of production. 3 cars destroyed. Work from over a hundred of the most dedicated and talented crew. Best job in the world! pic.twitter.com/QK4wNYvAhE
— Justin Lin (@justinlin) February 7, 2021
Картина режиссёрининг сўзларига кўра, экран вақтида 4 сония намойиш этиладиган саҳнани суратга олиш учун 8 ойга яқин вақт ва 100 кишидан иборат суратга олиш гуруҳи керак бўлган. Суратга олиш ишларининг ўзи тўрт кун давом этган ва бунинг натижасида учта автомобиль яксон қилинган. Трюкни максимал даражада майда деталларига қадар кўрсатиш мақсадида жамоа кинокамералар ўрнатилган роботлаштирилган оператор кранларидан фойдаланган.
«Форсаж» франшизасининг тўққизинчи қисми 2021 йилнинг 27 майида прокатга чиқиши кутилмоқда.
Аввалроқ «Форсаж 5» фильмидаги поездни ўмариш саҳнасига 25 миллион доллар сарфлангани тўғрисида хабар берилганди.
Изоҳ (0)