Кейт Бланшетт, Николь Кидман ва реал ҳаётда мавжуд қироличалар образини гавдалантирган бошқа актрисалар (фото)

Сарой ҳаёти ҳақида фильм суратга олиш осон эмас, жуда катта масъулиятни талаб этади. Йилдан йилга режиссёрлар тарихни тиклаш, уни ўрганиш учун барча имкониятлардан фойдаланган ҳолда тажрибаларини орттирмоқда. Шунингдек, бу орқали актрисалар ҳам бошига тож кийиб, ўзини ҳақиқий маликалардек ҳис этмоқда.

Оливия Колман – Қиролича Анна («Севимли»)

Йоргос Лантимос томонидан суратга олинган «Севимли» фильми ҳар қандай маънода бадиий асар бўлиб, у комедия, драма, юксак ҳис-туйғу ва тубан иллатларни ўзида жамлайди. Қиролича Анна ролини ижро этган британиялик актриса Оливия Колман ҳамиша сюжетнинг марказида туради. Ташқи кўриниш борасида ҳам актриса қироличани жуда яхши ўхшатган, шунинг учун ҳам фильм намойиш этилганидан сўнг кўплаб мукофотлар совриндорига айланди.

Марго Робби – Еливаветта I («Икки қиролича»)

Австралиялик актриса Марго Робби одатий роллардан чарчаганини тан олди. У энди ўзини драматик актриса сифатида нималарга қодир экналигинини исботлаш учун имкониятидан фойдаланишга қарор қилди. Елизавета I ҳеч қачон жозибали бўлмаган. Бўялган қизил сочлар, оқартирилган юз, ингичка қош – маълум бир лаҳзада Роббининг тасвиридан ҳеч нарса қолмаган. Шунингдек, режиссёр Жози Рук актрисада ўлимга олиб келувчи касалликни ҳам қайсидир маънода акс эттирди. Натижада Марго ҳақиқий маликага ўхшаган.

Сирша Ронан – Мария Стюарт («Икки қиролича»)

Марго Робби рол ижро этган «Икки қиролича» фильмида Сирша Ронан ҳам иштирок этган. У Шотландия маликаси Мария ролини ижро этган. Фильмда Мария ҳақиқий гўзаллик сифатида тасвирланган. Гарчи XVI асрда гўзаллик тушунчаси умуман бошқа нарсани англатган бўлса-да, режиссёрнинг малика борасидаги танлови муваффақият келтирган.

Кейт Бланшетт – Елизаветта I («Олтин аср»)

Актриса тож кийган малика ролини уч маротаба ижро этгишга муваффақ бўлган. Бундан ташқари, уларнинг барчаси Елизавета I эди. Балки Бланшеттнинг кўриниши инглиз маликаларига ўхшашлиги ҳамда ажойиб истеъдоди режиссёрлар эътиборини тортгандир. Картина маликанинг ҳаёти, тахт ва фитна ҳақида ҳикоя қилиб, муваффақиятга эришган ва бир қанча мукофотларга лойиқ деб топилган.

Кирстен Данст – Мария-Антуанетта («Мария-Антуанетта»)

Франциянинг энг машҳур маликаси Мария-Антуанетта дунё киноижодкорлари орасида энг севимли қаҳрамон ҳисобланади. Аслида маликанинг ташиқ кўриниши ва актриса Кирстен орасида деярли ўхшашлик йўқ. Аммо актриса фильм моҳиятини етказишга муваффақ бўлган, шунинг учун ҳам фильм томошабинлар томонидан яхши қабул қилинган.

Кетрин Зета-Жонс – Екатерина II («Буюк Екатерина»)

Актриса ва унинг қаҳрамонига ўхшаш нарса, эҳтимол, уларнинг исми бўлиши мумкин. Фильм сюжети ҳақиқатдан йироқ бўлсада, барчаси ишонарли тарзда суратга олинган. Шунингдек, бош қаҳрамон ҳам ўз ролини моҳироналик билан ижро этган.

Наоми Уоттс – малика Диана («Диана: Севги ҳикояси»)

2013 йилда «Диана: Севги ҳикояси» фильмида актриса Наоми Уотс бош қаҳрамон ролини ижро этган. Ушбу картина ўз даврининг машҳур аёли, малика Диана ҳақда ҳикоя қилади. Фильм сюжети Диана ва шаҳзода Чарльз ўртасидаги қийин муносабатлар, шунингдек, маликанинг янги муҳаббат излаши билан боғлиқ. Паст бўйли актрисага ўз даврининг энг таниқли аёлини ижро этиши учун катта жасорат керак бўлган ва актриса тан олганидек, Диана жуда ноаниқ ва ўзига яраша характерга эга бўлиб, бир соат давомида уларни экран ортида намойиш қилиш қийин кечган. Шунинг учундир балки айрим камчиликлар туфайли ҳам фильм ҳеч қандай мукофотга лойиқ кўрилмаган. Аммо Наоми малика қиёфасини ва юз ифодаларини такрорлашни қойиллатган.

Николь Кидман – Грэйс Келли («Монако маликаси»)

2014 йил Канн кинофестивали Оливье Даананинг «Монако маликаси» фильми намойиши билан бошланган. Унда асктриса Николь Кидман Монако маликаси Грэйс Келлини ролини ижро этган. Актрисанинг ташиқ кўриниши ва маҳоратли ижроси фильм муваффақиятини таъминлаган бўлсада, режиссёр ва муаллифлар томонидан сценарийга киритилган ўзгаришлар туфайли тарихий жиҳатдан нотўғри деб қаралган.