Жанубий Кореяда истиқомат қилувчи эркак бундан тўрт йил олдин вафот этган турмуш ўртоғининг виртуал нусхаси билан учрашувга чиқди, деб хабар беради «Korrespondent.net».
Бу каби ғояни виртуал реаллик технологияси ёрдамида амалга оширишга муваффақ бўлинган. Эр-хотинга таъсирли учрашувни маҳаллий MBC телеканали «Мен сени учратдим» ҳужжатли фильми доирасида ташкиллаштириб берган.
51 ёшли Ким Чон Сунинг рафиқаси оғир касаллик билан узоқ давом этган курашдан сўнг вафот этган. Аёлининг ўлимидан сўнг эркак беш нафар фарзандини мустақил тарбиялай бошлаган.
Аёлнинг виртуал нусхасини яратиш учун мутахассислар 6 ой давомида меҳнат қилган. Овоздаги максимал ўхшашликларни таъминлаш учун унинг овози актрисалар овози билан комбинацияланган.
Ким Чон Су марҳум рафиқаси билан виртуал боғда учрашган, шундан сўнг ўз уйида рақсга тушган. Ҳаракатни пайқаш технологияси ёрдамида аёлнинг виртуал нусхаси Ким Чон Сунинг тегинишларга жавоб қайтара олган.
Аввалроқ Microsoft вафот этган инсонларнинг рақамли клонини яратгани тўғрисида хабар берилганди.
Изоҳ (0)