Xiaomi смартфонлари фойдаланувчилари операцион тизим MIUI 12.5’га янгиланганидан сўнг, Google сервисларини ўрнатишда муаммолар юзага келишни бошлаганидан шикоят қилмоқда, деб ёзади Hi-Tech.Mail.ru.
Xiaomi компанияси талабларга жавоб бермагани сабаб ўз фойдаланувчиларига Google’нинг мобил сервисларини (Google Mobile Services; GMS) ўрнатиш ёки юклаб олиш имкониятини эндиликда тақдим этмайди. Компаниянинг ўзгариш сиёсатига дуч келган моделлар рўйхатини эълон қилмаган, бироқ айрим фойдаланувчиларнинг сўзларига кўра, Хитой бозори учун тақдим этилган янги Redmi K30 Ultra ва Redmi 10Х 5G смартфонларида сервислар ҳозирда ишлашдан тўхтаган.
Gizmochina’нинг маълум қилишича, GMS тақиқлари фақат Хитойда амал қилади. Xiaomi’нинг глобал версияси Google сервисларини юклаб олишни қўллаб-қувватлашни давом этади.
Аввалроқ АҚШ ва Хитой ўртасидаги савдо уруши бироз тинчланганига қарамай, санкциялар рўйхатидан яна 9 та компания, хусусан, Xiaomi ҳам ўрин олгани тўғрисида хабар берилганди. «Қора рўйхат»га тушиш америкаликларнинг ушбу Хитой компанияларига сармоя кирита олмаслиги ва уларда улуши бўлмаслигини билдиради. Тақиқ 2021 йил 11 ноябрдан кучга киради, бу вақтга қадар инвесторлар ўз акцияларини сотиб юбориши керак.
Мавзуга доир: Honor смартфонларига Google сервислари қайтади
Изоҳ (0)