Куба 6 февралдан бошлаб оролга ташриф буюрадиган барча учун карантинни мажбурий этиб белгилади, деб хабар берган «Интерфакс».
«Ҳозирда Кубада коронавирус билан боғлиқ вазият мураккаблашган. Шу сабабли 6 февралдан мамлакатга кирувчилар учун 5 кунлик мажбурий карантин жорий этилди. Изоляциядан мустақил туристлар ва кубаликлар ўтиши керак бўлади. Мазкур тақиқ Кайо-Коко ва Кайо-Гилермо курортларига саёҳати аввалдан режалаштирилган сайёҳларга тааллуқли эмас», — деган Кубанинг Россиядаги элчихонаси туризм бўйича маслаҳатчиси Хуан Карлос Эскалона Пелйисер.
Пелйисернинг аниқлик киритишича, мустақил туристлар ўз-ўзини яккалаш тартибини меҳмонхоналарда ўз ҳисобидан амалга оширади, Куба фуқаролари эса карантинни махсус марказларда бепул ўтказиши мумкин. Тахминларга кўра, бу каби чоралар 15-21 кун давом этади. Куба ҳукумати февраль ўрталарида касалланиш ўзининг юқори чўққисига чиқишини кутмоқда. Шу билан бирга, ушбу даврда коронавирусга қарши вакцинация қилиш ишлари ҳам бошланади.
Аввалроқ Саудия Арабистони коронавируснинг янги штамми туфайли чегараларни ёпиб, халқаро парвозларни тўхтатгани, Форс кўрфази мамлакатларида COVID-19 туфайли чекловлар яна кучайтирилаётгани, Европа Иттифоқи Шенген ҳудудига кириш учун қўшимча чекловларни жорий этгани тўғрисида хабарлар берилганди.
Мавзуга доир:
- Франция, Чехия ва Германия мамлакатга кириш чекловларини кучайтирди
- Канадада мамлакатга кириш тартиби кучайтирилди
- Буюк Британия ва яна етти давлатдан Ўзбекистонга келувчилар учун қўйилган чекловлар 1 мартга қадар узайтирилди
- Финляндия коронавируснинг янги штаммлари туфайли сайёҳларнинг мамлакатга ташрифини чеклаб қўйди
Изоҳ (0)