Швециялик ҳамшира Лиза Энрот изоляцияланган Хамнескар оролида ёлғиз ўзи Гётеборг кинофестивали дастурини томоша қилиш бўйича танловни ютиб олди. Энрот бир ҳафта давомида фестиваль дастури доирасида 60 та фильмни Патер Ностер майоғида ўтириб томоша қилади. У телефон, компьютер, кино ва бошқа кўнгилочар ўйинлардан фойдаланмайди, деб хабар беради Esquire.
30 январь куни Энрот қайиқда оролга етказилган. У дунёнинг 45 мамлакатидан юборилган 12 минг аризачи орасидан танлаб олинган. Шевде шаҳрида ишлаган ҳамшира коронавирусга қарши курашда ёрдам бериш билан шуғулланган. Бундан ташқари, Энрот ўз шаҳридаги маҳаллий киноклуб аъзоси ҳисобланади.
Маёқда фильмларни томоша қилиш учун экран ўрнатилган. Энротга фақат планшет берилади, унинг ёрдамида кунлик видеокундаликни юритиш мумкин. Шунингдек, оролда яна бир киши бўлиб, у ҳар куни ҳамширадан хабар олиб туради.
Пандемия сабаб фестиваль тўлиқ онлайн платформага ўтказилган. Барча фильмлар ва муҳокамаларни томошабинлар интернетда кузатиши мумкин. Фестиваль ташкилотчиларининг таъкидлашича, бу каби ғоя фестивални ўтказишнинг нафақат тўлиқ хавфсизлигини таъминлашга ёрдам беради, балки пандемия кинога қандай таъсир кўрсатганини ўрганишга ёрдам беради.
Энрон оғир ишдан кейин жуда ҳам чарчаб кетганини таъкидлаган. «Шамол, денгиз, бир ҳафтага умуман бошқа реалликда бўлиш имконияти — буларнинг барчаси ҳақиқатан ҳайратланарли», — дейди Энрот.
Изоҳ (0)