Америкалик актёр, режиссёр ва продюссер Роберт Родригес ўзининг машҳур франшизаси — «Жосус болалари»ни қайта суратга олиш режаси билан бўлишди, деб хабар беради «Film.ru». Фильмни суратга олиш билан Skydance Media студияси шуғулланади. Шундай қилиб, 2001 йилги оригинал картинанинг режиссёри уни қайта суратга олади ва у учун сценарий ёзади.
Роберт Родригес «Жосус болалари»ни суратга олгунига қадар «катталар учун мўлжалланган» картиналари билан танилган, масалан, «Шомдан тонггача» ва «Чорасиз». Бироқ у болалар учун ҳам бирор фильм суратга олишни хоҳлаган ва ота-онаси жосус эканлигини билиб қолиб, уларни қутқаришга отланган опа-ука ҳақида картина суратга олиш фикрига келган.
Мазкур картина прокатларда муваффақиятга эришган ва бутун дунё бўйлаб 112 миллион доллар тўплаган. Шундан сўнг унинг яна икки қисми яратилган бўлиб, умумий ҳисобда картиналар 550 миллион доллардан ортиқ маблағ ишлаб топган.
Қайта ишланадиган фильмнинг сюжети ҳозирча номаълум, бироқ воқеалар «мултимаданиятли» оила атрофида содир бўлиши айтилмоқда.
Аввалроқ Netflix Роберт Родригеснинг «Биз қаҳрамон бўла оламиз» номли янги фантастик лойиҳасининг илк тизери билан бўлишган эди.
Изоҳ (0)