Малика Диана ролини ижро қилаётган Кристен Стюартнинг суратга олиш жараёнидаги илк суратлари тақдим қилинди.
Кристен Стюартнинг «Спенсер» номли биографик фильмда малика Диана ролини ижро этиши ҳақида хабар берилганди. Аммо Пабло Ларраиннинг мазкур фильмида британиялик бўлмаган актрисанинг малика ролини гавдалантириши кўплаб танқидларга сабаб бўлган. Аммо режиссёр унинг ҳозирги даврнинг энг яхши актрисаларидан бири эканини айтиб, фикридан қайтмаган.
Тақдим қилинган суратларда маликаники сингари нигоҳлари маъюс Кристенни Диананинг рождестводаги образига ўхшаш кийинганини кўриш мумкин. Қироллик оиласи анъанавий тарзда ушбу байрамни Норфолкдаги Сандрингем саройида нишонлаб келади.
Аксарият мухлислар «қалблар маликаси»ни гавдалантирган актрисанинг Кристен эканини бир қарашда пайқамаган. Қолганлар эса улар ўртасида ростан ҳам ўхшашлик борлигини тан олган.
Диана айнан Сандрингемдаги таътил вақтида шаҳзода Чарльз билан ажрашишга қарор қилган. Стивен Найт томонидан сценарий ёзилган фильмда унинг қиролича бўлишни истамаслигини тушуниб етганини кўриш мумкин. Драмада маликанинг фожиали ўлими ҳақида ҳикоя қилинмайди, бунинг ўрнига режиссёр Диананинг турмушидаги муносабатлари ва фарзандларига бўлган севгисига урғу беришга қарор қилган.
Изоҳ (0)