“Ҳаёт – бу режалар тузаётганингизда сиз билан содир бўлаётган воқеалардир”, — деган Жон Леннон. Ва у мутлақо ҳақ эди.
“Қалб” мультфильмининг бош қаҳрамони – жазз ижрочиси сифатида ўзининг ёрқин карьерасига эга бўлиш ягона мақсадига айланган Нью-Йоркдан келган мусиқа ўқитувчиси Жо Гарднердир. Тасодифан унда ажойиб имконият пайдо бўлади — энг таниқли саксафончи билан битта саҳнада ижро қилиш. Афсуски, айнан ўша куни ҳеч кутилмаган ҳодиса рўй беради, у ўша ерда вафот этади. Бироқ бу воқеаларнинг бошланиши холос, энг қизиқ ҳодисалар кейин давом этади.
Қаҳрамон яшашга бўлган истаги билан ўлимга қарши курашишга, руҳини ўз танасига қайтаришга уриниши самимий ҳамдардликни келтириб чиқаради. Ҳаёт учун кураш тасвирланган ўлим ҳақидаги “Қалб” мультфильми “Юқорига” ва “Жумбоқ” анимацион фильмлари учун “Оскар” мукофотига сазовор бўлган Pixar студияси директори режиссёр Пит Доктер ва унинг ҳамкасби Кемп Пауэрс томонидан яратилган.
Шу билан бирга, режиссёрлар ер юзи ва нариги дунёни тасвирлашда рамзий маънога алоҳида эътибор қаратган. Кузги Нью-Йорк – гавжум шаҳар, ранг-баранг кўчалар, турли хил машиналарга тўла йўллар, ҳар қандай манзараси ҳақиқатан ҳам ҳаётга тўғри келади. “Нариги дунё” эса бутунлай бошқача: ҳаммаси содда, у ердаги белгилар ҳам ўзгача, худди компьютер ўйинига ўхшаб ишланган. Шунингдек, охират дунёсида Трент Резнор ва Аттикус Росснинг мусиқаси янграйди, Нью-Йорк эса Жонатан Батистанинг композициялари билан нафас олади. Бу эса мультфильмни кўриш учун яна бир истакни пайдо қилади.
Ҳаётнинг мазмуни ва “Қалб” ҳақидаги саволлар сеҳрли равишда барча оддийликни йўқотади. Картина муаллифлари бу орқали ҳаётдан маъно ўткинчи “касб”ни эгаллаш эмас, балки яшамоқликдир, демоқчи бўлган. Шунингдек, томошабинларни бефарқ қолдирмайдиган яна учта мультфильм ҳам инсонларда худди шундай таассурот қолдиради.
“Бошқотирма”
Ушбу мультфильм аслида ота-онаси билан янги уйга кўчиб ўтадиган ва янги мактабга борадиган қиз Райли ҳақида эмас, балки унинг онгида рўй бераётган воқеалар ҳақида. Режиссёр Пит Доктер инсониятнинг ҳиссиётлар дунёсига кўпроқ эътибор қаратади. Режиссёрлар Райлининг ичидаги ҳиссиётларини шакллантириш учун анимациядан фойдаланган. Маълумки, ҳаётда қувонч, қайғу, нафрат, ғазаб ва қўрқув мавжуд. Асосий белгилар орасидан қувонч ва қайғу Райлининг онгидан йўқотилади. Кейин эса уларсиз ҳаёт тўлиқ бўлмайди. Бир нечта файласуфлар ва психологларнинг авлодларини ташвишга соладиган мураккаб масалалар болалар учун мўлжалланган фильмда намоён бўлиши эса ҳар қандай томошабиннинг қизиқишини янада орттиради.
“Коко сири”
Pixar студиясининг яна бир ажойиб мусиқий мультфильми – мексикалик боланинг нариги дунёга саёҳати ҳақида. Аввалига бу оддий кўринади, аммо ўзига ишонч, орзуларга эргашиш ва муваффақиятга эришиш ҳаммасидан ҳам муҳим. Лекин мультфильмдаги хабар кутилмаган натижа билан, ҳайратланарли даражада чуқурроқ ва муҳимроқ бўлиб чиқади. Ушбу картина муваффақиятга интилиш тузоқ бўлиши мумкинлиги, инсон ўзи учун қадрли экани, вақти келганда ўлимни қабул қилиш ва бўйсунмас хотира кучи ҳақида ҳикоя қилади.
“Тепага”
Пит Доктернинг навбатдаги ажойиб мультфильмларидан бири. Болалар учун мўлжалланган анимацияда катталарга тегишли кексалик, ёлғизлик ва ўлим мавзуси кўтарилган. Карл Фредриксен – йўлғиз кекса, у саргузаштларни яхши кўради. Уйи билан саёҳат қилиш учун пуфаклар тўпламини унга боғлайди. Ва бу саёҳат ўйлаганидан ҳам кўра кўпроқ ҳаяжонли бўлиб чиқади.
Мавзуга доир:
- Disney компанияси 7 ёшга кирмаганларга “ирқчилик”ка оид саҳналар мавжудлиги сабабли баъзи мультфильмларни кўришни чеклаб қўйди
- “Чебурашка. Байрам сири” 3D-мультфильмининг илк тизери намойиш этилди
- “Крудслар оиласи 2” мультфильми бир ҳафта ичида яна 3 млн доллар тўплаб, Америка прокатида биринчи ўринни эгаллади
Изоҳ (0)