Халқ депутатлари Чиноз тумани кенгашининг навбатдан ташқари сессияси бўлиб ўтди, дея хабар қилмоқда Тошкент вилояти матбуот хизмати.
Таъкидланишича, сессия кун тартибида ташкилий масала кўриб чиқилган. Хусусан, туман ҳокими вазифасида ишлаган Акмалхон Маъдиев лавозимидан озод қилинди.
Унинг ўрнига Алимбеков Ботир Баҳодирович номзоди Чиноз тумани ҳокими лавозимига тавсия қилинган.
Сессияда Тошкент вилояти ҳокими вазифасини бажарувчи Даврон Ҳидоятов иштирок этган ва кун тартибидаги масала юзасидан нутқ сўзлаган.
Халқ депутатлари туман кенгашининг қарори билан Ботир Алимбеков Чиноз тумани ҳокими лавозимига тасдиқланган.
Бундан аввал Олмазор тумани ҳокими Бахтиёр Раҳмонов Тошкент шаҳри ҳокимининг биринчи ўринбосари этиб тайинлангани, Тошкент вилояти ҳокими Рустам Холматов ишдан олиниб унинг ўрнига Даврон Ҳидоятов вилоят ҳокими вазифасини бажарувчи этиб тайинлангани, Жисмоний тарбия ва спорт вазири Дилмурод Набиев лавозимидан озод этилгани ҳамда Тошкент вилояти ҳокимининг биринчи ўринбосари этиб Улуғбек Узоқов тайинлангани ҳақида хабар берилганди.
Изоҳ (0)