Сиёсатчи Алексей Навальнийнинг тарафдорлари 31 январь куни Россиянинг 53 та шаҳрида митинглар ўтказмоқчи. Бу ҳақда «Навальний жамоаси» Telegram-каналида эълон қилинган акцияларга таяниб Meduza хабар берди.
Москвада сиёсатчининг тарафдорлари Федерал хавфсизлик хизмати биноси яқинидаги Лубянская майдонида тўпланишни режалаштирмоқда.
Россиянинг ўнлаб ҳудудларида 23 январь куни Навальнийни қўллаб-қувватлаш учун оммавий ҳаракатлар бўлиб ўтганди. Аксарият шаҳарларда ҳаракат минглаб иштирокчиларни ҳибсга олиш билан якунланган —мамлакат бўйлаб жами уч ярим мингдан ортиқ одам ҳибсга олинган.
Айни пайтда Навальний Москвадаги 1-рақамли тергов изоляторида сақланмоқда. Суд сиёсатчини шартли судланган шахснинг хулқ-атвор қоидаларини бузган деб ҳисоблаб, уни Федерал жазони ижро этиш хизматининг талабига биноан 30 кунга ҳибсга олган ва 15 февралга қадар қамоқда бўлишини маълум қилган. Ҳибсга олиш тўғрисидаги қарор устидан берилган шикоят аризасини 28 январь куни кўриб чиқиш режалаштирилган.
Изоҳ (0)