Жанубий Кореянинг Samsung компанияси Galaxy S21 смартфони эгалари ўзининг автомобили эшигини телефон ёрдамида оча олиш учун айрим автомобиль ишлаб чиқарувчилар, хусусан, Audi, BMW, Ford ва Genesis билан ҳамкорликни йўлга қўйди, деб хабар беради IXBT.
Samsung’нинг маълум қилишича, ушбу технология смартфон ва машина ўртасида қисқа импулс алмашиш имконини беради, бу эса ҳайдовчи машина олдига келганида эшикнинг очилишига хизмат қилади. Буни UWB технологияси ёрдамида амалга ошириш мумкин, бироқ смартфонни автомобиль тутқичига теккизиб, NFC технологиясидан ҳам фойдаланса бўлади.
«Galaxy S21+, S21 Ultra ва Note 20 Ultra UWB’ни қўллаб-қувватлайди, бу эса жойлашган ўрнини янада аниқроқ топиш ва «машинамни аниқлаш» қўшимга реаллик функцияси ишлашини таъминлайди. Galaxy S21 UWB функциясига эга эмас, шунга қарамай, ўз автомобилингизни NFC’дан фойдаланган ҳолда очишингиз мумкин, бунда худди терминал орқали тўловни амалга оширган каби телефонни автомобиль тутқичига теккизиш кифоя», — дейилади компания хабарида.
Эслатиб ўтамиз, 2020 йилнинг июнида BMW компанияси Apple билан ҳамкорликда янги Digital Key функциясини тақдим этганди. Унинг ёрдамида компаниянинг барча янги автомобилларини калит ишлатмасдан очиш мумкин.
Изоҳ (0)