Alphabet (Google’нинг бош компанияси) аэростатлар ёрдамида алоҳида ҳудудларда интернет ишлашини таъминлаш билан шуғулланувчи Лоон лойиҳасини ёпмоқда. Бу ҳақда Х тажриба бўлинмасининг блогига таяниб, Meduza хабар берди.
«Тижорий ҳаётга олиб борадиган йўл кутилганидан кўра анча узоқ ва хавфли бўлиб чиқди», — дейди Х бўлинмаси раҳбари Астро Теллер.
Компания Loon ходимларини Х, Google ва Alphabet’даги бошқа лавозимларга ўтказиш устида иш олиб бормоқда.
Жамоанинг бир қисми сервис ишининг узлуксиз давом этишини таъминлайди, хусусан, 2020 йилнинг июлида Loon биринчи бор ўзининг интернетни тарқатиш бўйича тижорий лойиҳасини йўлга қўйган Кенияда ҳам. 2021 йилнинг мартида Кенияда лойиҳа ёпилади.
Маълумот учун, Loon лойиҳаси 2013 йилнинг июнида ишга туширилган. Сервис табиий офатлардан зарар кўрган ҳудудларни алоқа билан таъминлаган. Масалан, аэростатлар 2017 йили Пуэрто-Рикога ёпирилган «Мария» довули ва Перуда 2019 йилда рўй берган зилзиладан кейин ушбу мамлакатларда интернет тарқатган.
Изоҳ (0)