UFC президенти Дэйна Уайт промоушеннинг енгил вазн тоифаси чемпионлиги учун кимлар жанг қилишини маълум қилди.
Агар Ҳабиб Нурмагомедов UFC’га қайтмайдиган бўлса, у ҳолда чемпионлик камари вакант бўлади. Чемпионлик учун эса Дастин Порье ҳамда Майкл Чендлер жанг қилади.
«Агар Ҳабиб кетса, Порье ва Чендлер камар учун жанг қилади», — дея эълон қилди Уайт UFC 257 мусобақасидан кейинги матбуот анжуманида.Эслатиб ўтамиз, Тошкент вақти билан 24 январь тонгида Абу-Дабида UFC 257 мусобақаси ўтказилди. Енгил вазн тоифаси вакили Дастин Порье рақиби Конор Макгрегорни 2-раунддаёқ нокаутга учратди.
Ушбу вазнда UFC’даги дебютини ўтказган Майкл Чендлер эса рақиби Ден Ҳукерни 1-раунддаёқ нокаутга учратиб, ғалабани қўлга киритди.
Мавзуга доир:
Изоҳ (0)