Abu-Dabidagi “Jangchilar oroli”da 24-yanvar tongida UFC 257 musobaqasi bo‘lib o‘tdi.

Promoushen matbuot xizmati kechaning eng yorqin chiqishi uchun ajratilgan bonuslar egalarini ma’lum qildi.

Unga ko‘ra, Dastin Porye, Maykl Chendler, Mahmud Murodov va Marina Rodriges yorqin jang uchun 50 ming dollar miqdorida pul mukofotiga ega bo‘ldi.

Murodov uchinchi raunddagi texnik nokaut evaziga Endryu Sanchesni mag‘lub etdi. Porye esa asosiy jangda Makgregorni nokautga uchratdi. Maykl Chendler UFC’dagi debyut jangida nomdor Den Hukerni birinchi raundda muddatidan avval mag‘lub etdi. Rodriges esa Amanda Ribasga qarshi jangning ikkinchi raundida nokaut qayd etdi. Musobaqaning eng yaxshi jangi esa aniqlanmadi.