Бугун,

  • USD 11095.31
  • RUB 173.84
  • EUR 10772.44

Қозоғистонда 22 январь ҳолатига кўра яна 1548 кишида коронавирус аниқланди. Бу ҳақда мамлакат коронавирусга қарши курашиш тезкор штабига таяниб Tengrinews хабар берди.

Фото: BBC

Фото: BBC

Маълумотларга кўра, мамлакатда ҳозирга қадар COVID-19 билан касалланганларнинг умумий сони 175 390 нафарга етган, уларнинг 158 647 нафари соғайган, 2457 киши вафот этган. Шунингдек, 2020 йил 1 августдан буён Қозоғистонда 47 211 кишида пневмония аниқланган бўлиб, уларнинг 549 нафари вафот этган.

Коронавирусга чалиниш бўйича ҳолатлар қуйидаги ҳудудларда аниқланган:

  • Олмаота шаҳри — 21 010;
  • Нур-Султон шаҳри — 21 045;
  • Атирау вилояти — 15 401;
  • Қарағанда вилояти — 13 144;
  • Шарқий Қозоғистон вилояти — 19 762;
  • Ғарбий Қозоғистон вилояти — 10 220;
  • Чимкент шаҳри — 5779;
  • Олмаота вилояти — 8620;
  • Жамбил вилояти — 5224;
  • Шимолий Қозоғистон — 9994;
  • Павлодар вилояти — 11 475;
  • Костанай вилояти — 9173;
  • Ақмўла вилояти — 9063;
  • Туркистон вилояти — 3970;
  • Манғистов вилояти — 3949;
  • Қизилўрда вилояти — 3519;
  • Ақтўбе вилояти — 3879.
Қирғизистонда 22 январь куни яна 93 кишида коронавирус аниқланиб, бутун мамлакат бўйлаб COVID-19’га чалинганлар сони 82 986 кишига етган. Ўтган бир сутка ичида яна икки бемор коронавирус қурбонига айланди, деб хабар беради Kloop.

Ўтган бир сутка ичида коронавирусга чалиниш бўйича ҳолатлар қуйидаги ҳудудларда аниқланган:

  • Бишкек — 27;
  • Чуй вилояти — 29;
  • Ўш вилояти — 4;
  • Жалолобод вилояти — 5;
  • Иссиқкўл вилояти — 21;
  • Боткен вилояти — 2;
  • Норин вилояти — 1;
  • Талас вилояти — 2.
Шунингдек, ўтган бир сутка ичида 108 кишига касалхонадан жавоб берилган. Бугунги кунга қадар 83 796 киши вирусдан соғайган. Қирғизистон Соғлиқни сақлаш вазирлиги маълумотларига кўра, мамлакатда пандемия бошланганидан буён 1398 киши COVID-19 қурбонига айланган.Афғонистон Соғлиқни сақлаш вазирлигининг маълумотларига кўра, ўтган бир сутка ичида мамлакатда яна 76 кишида коронавирус аниқланган, деб хабар беради Tolo News.

Бутун мамлакатда ҳозирга қадар коронавирус инфекцияси билан касалланганлар сони 54 559 кишига етган.

Беморларнинг 46 912 нафари соғайган бўлса, 2373 киши вирус асоратлари оқибатида вафот этган.

Вазирлик маълумотларига кўра, бугунги кунга қадар давлат марказларида 236 300 марта коронавирусга тест олинган.

Тожикистон Соғлиқни сақлаш вазирлиги эса коронавирус билан касалланганлар ва соғайганлар сонига бир ҳафта давомида ҳеч қандай ўзгартириш киритмаган. Жон Ҳопкинс университетининг Тожикистондаги вазият бўйича маълумотлари ўзгаришсиз қолган — 13 308 киши касалланган, 90 киши вафот этган, 13 218 киши соғайган.Ўзбекистонда 23 январь соат 10:00 ҳолатига кўра, коронавирус инфекцияси қайд этилганлар сони 78 317 нафарни ташкил этмоқда. Бу ҳақда ССВ матбуот хизмати хабар берди.

Мамлакатда ҳозирга қадар 76 778 нафар коронавирус инфекциясига чалинган фуқаролар тузалган ва соғайиш кўрсаткичи 98 фоизни ташкил қилмоқда.

Ҳозирда Ўзбекистонда 918 нафар беморга шифокорлар томонидан белгиланган стандартлар бўйича даво чоралари кўрилмоқда.

Изоҳ
Асосий янгиликлар
Дунё
Ривожланаётган давлатлар учун фалокат: АҚШ ва Европа ўртасида савдо уруши бўлиши кутиляпти
Маҳаллий
Фарғона ва Наманган аэропортларини қуюқ туман қоплади, рейслар кечикадиган бўлди
Маҳаллий
Қорақалпоғистонда ЙПХ ходими радар ўрнатилган машинасида таксичилик қилгани айтилмоқда (видео)