Самарқандда тўртта автомобиль иштирокида йўл-транспорт ҳодисаси содир бўлди, дея хабар қилмоқда ЙҲХББ.
Маълум қилинишича, 2021 йилнинг 20 январь куни соат 22:30 ларда Самарқанд вилояти Самарқанд шаҳар Мирзо Улуғбек ва Маҳмуд Қошғарий кўчалари кесишган чорраҳада 1967 йилда туғилган Р.Э. бошқарувидаги Nexia-2 ҳамда 2002 йилда туғилган Ж.Э. бошқарувидаги Lacetti тўқнашган.
Тўқнашув зарбидан Lacetti ҳайдовчиси бошқарувни йўқотиб, светофорнинг қизил чироғида тўхтаб турган ҳайдовчи, 1976 йилда туғилган А.Т. бошқарувидаги Nexia ҳамда ҳайдовчи 1980 йилда туғилган П.З. бошқарувидаги Cobalt автомобилларига тўқнашган.
Тўқнашув натижасида тан жароҳати олганлар йўқ.
Мазкур ЙТҲ юзасидан Самарқанд шаҳар ИИО ФМБ ЙҲХБ томонидан суриштирув ишлари олиб борилиб, тўқнашув сабабларига аниқлик киритилмоқда.
Аввалроқ Мирзо Улуғбек туманида Damas ҳамда «Самара» иштирокидаги ЙТҲ оқибатида 2 киши вафот этгани, Бектемирда Howo оғир юк машинаси Cobalt устига ағдарилиши оқибатида бир киши ҳалок бўлгани ҳамда Тошкентда масофа сақламаслик оқибатида 5 та автомобиль тўқнашгани ҳақида хабар берилганди.
Изоҳ (0)