Печда пишириш шарт эмас: атиги 4 маҳсулот билан шоколадли чизкейк тайёрлаб кўринг

Бунинг учун икки хил шоколад, пишлоқ ва қаймоқ бўлса кифоя. Мазали ширинлик бир зумда дастурхонни безайди.

Керакли маҳсулотлар:

• аччиқ шоколад − 250 грамм;
• сариёғли пишлоқ − 500 грамм;
• сутли шоколад − 90 грамм;
• ёғли қаймоқ − 80 мл.

• аччиқ шоколад идишга солиниб, буғ ёрдамида эритиб олинади ёки уни микротўлқинли печда ҳам эритиш мумкин, фақат ҳар 10 сонияда уни аралаштириб туриш керак;
• хона ҳароратидаги пишлоққа эритилган шоколад қўшилиб, блендерда аралаштирилади;
• диамтери 16—18 сантиметр бўлган қандолат қолипига аралашма қуйилади, усти силлиқланади;
• 2 соатга музлаткичга қўйилади;
• сутли шоколад майда бўлакларга бўлинади, устидан иссиқ қаймоқ қуйилиб, яхшилаб аралаштирилади;
• чизкейкнинг устидан қаймоқли аралашма қуйилиб, яна 10 дақиқага музлаткичга қўйилади.