Футбол бўйича Италия Суперкубоги учун кечган баҳсда «Ювентус» ва «Наполи» жамоалари 20 январь, чоршанба куни ўзаро тўқнаш келди.
Учрашувда ҳисоб 64-дақиқага келиб очилди, Криштиану Роналду яқин масофадан неаполликлар дарвозасини ишғол қилди. 80-дақиқада «Наполи» ҳисобни тенглаштириши мумкин эди, бироқ Лоренцо Инсинье пенальтидан унумли фойдалана олмади.
Учрашув якунланиши арафасида Альваро Мората туринликларнинг иккинчи голини урди.
Шу тариқа «Ювентус» ўз тарихида 9 марта Италия Суперкубогига эга чиқди. Шунингдек, бу «Юве» устози Андреа Пирло учун илк соврин бўлди.
Италия Суперкубоги
20 январь, чоршанба
«Ювентус» — «Наполи» 2:0
Голлар: 1:0 – 64 Роналду, 2:0 – 90+5 Мората.«Ювентус»: Шенсни, Кьеллини, Бонуччи, Данило, Куадрадо, Артур, Бентанкур (Рабьо, 84), Кулусевски (Мората, 84), Маккенни, Кьеза (Бернардески, 46), Роналду.
«Наполи»: Оспина, Мариу Руй (Политано, 84), Кулибали, Манолас, Ди Лоренцо, Зелиньски, Бакаёко (Элмаз, 67), Лосано, Демме (Льоренте, 84), Инсинье, Петанья (Мертенс, 72).
Огоҳлантиришлар: Роналду (74), Зелиньски (89).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)