Зарруҳ Адашев UFC’даги иккинчи жангида ҳам мағлубиятга учради

БААдаги (Абу-Даби) «Жангчилар ороли»да 20 январь, чоршанба куни UFC Fight Island 8 мусобақаси бўлиб ўтмоқда.

Ўзбекистонлик яккакурашчи Зарруҳ Адашев (3-3) мазкур кечада UFC’даги иккинчи жангини ўтказди. Унга хитойлик Су Мудаэржи (14-4) рақиб бўлди.

Биринчи раунд ўртача темпда ўтди ва хитойлик яккакурашчи бироз фаоллиги туфайли раундни ўз фойдасига ҳал қилди. Иккинчи раундни ўзбекистонлик спортчи ёмон бошламади ва вазиятларнинг бирида рақибини мувозанатдан чиқаришга ҳам муваффақ бўлди. Бироқ раунднинг иккинчи ярмида Адашев бир нечта жиддий зарбаларни ўтказиб юборди.

Учинчи раундда Зарруҳ сезиларли даража фаоллашди ва уни ўз фойдасига ҳал қилди. Якунда ҳакамлар бир овоздан Су Мудаэржининг ғалабасини қайд этди — (29:28, 29:28, 30:27).

Жангни мана бу ҳавола орқали томоша қилиш мумкин — ВИДЕО.

Шу тариқа Адашев промоушендаги иккинчи жангида ҳам мағлубиятга учради. Аввалроқ Зарруҳ дебют жангида Тайсон Немга қарши октагонга чиқиб, илк раунддаёқ нокаутга учраганди.

Мавзуга доир: Умар Нурмагомедов UFC’даги дебют жангида қозоғистонлик рақибини 2-раунддаёқ таслим қилди