Абу-Дабидаги (БАА) «Жангчилар ороли»да 20 январь, чоршанба куни UFC Fight Island 8 мусобақаси бўлиб ўтмоқда.
Асосий карддан ўрин олган жангларнинг бирида мутлақ енгил вазн тоифаси вакиллари Тайсон Нэм (20-12-1) ва Мэтт Шнелл (15-5) ўзаро тўқнаш келди. Жанг давомида иккинчи рақам остида ҳаракат қилган Шнелл якунда ҳакамлар қарорига кўра ғолиб деб топилди.
Шу тариқа Тайсон 2020 йилдаги кетма-кет икки ғалабадан кейин мағлубиятни қабул қилиб олди.
Жанг видеосини ушбу ҳавола орқали томоша қилиш мумкин — ВИДЕО.
Эслатиб ўтамиз, июнь ойида ўзбекистонлик яккакурашчи Зарруҳ Адашев UFC’даги дебют жангини айнан Немга қарши ўтказган ва биринчи раунднинг 32-сониясидаёқ нокаутга учраганди.
Адашев мазкур UFC оқшомида промоушендаги иккинчи жангини ўтказди ва унда хитойлик Су Мудаэржига ютқазиб қўйди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)